Prezident Izraila paćvierdziŭ hibiel 22-hadovaj Šani Łuk i raskazaŭ niekatoryja padrabiaznaści
Prezident Izraila Icchak Hiercah daŭ intervju niamieckamu vydańniu Bild. U im jon raskazaŭ padrabiaznaści hibieli hramadzianki Izraila i Hiermanii Šani Łuk, vykradzienaj bajevikami CHAMAS z muzyčnaha fiestyvalu Nature Party 7 kastryčnika.
Šani Łuk. Fota: sacsietki dziaŭčyny
Pa słovach Hiercaha, izrailskija vajskoŭcy znajšli čerap dziaŭčyny. «Heta aznačaje, što hetyja varvary i sadysty prosta adsiekli joj hałavu», — skazaŭ prezident Izraila.
Jon dadaŭ, što ciapier praciahvajecca pracedura apaznańnia jašče 40 ciełaŭ izrailcian, jakija zahinuli padčas napadu bajevikoŭ CHAMAS. Hiercah adznačyŭ, što mnohija cieły byli rasčlanionyja abo spalenyja.
7 kastryčnika bajeviki CHAMAS apublikavali videa, na jakim Šani Łuk lažyć biez prytomnaści ŭ kuzavie hruzavika. 10 kastryčnika maci Šani Rykarda Łuk paviedamiła, što jaje dačku dastavili ŭ balnicu ŭ siektary Haza ź ciažkaj traŭmaj hałavy. Siońnia Rykarda Łuk raskazała žurnalistam, što jaje dačka miortvaja.
Čytajcie taksama:
Cieły achviar ataki CHAMAS byli znojdzienyja ŭ abdymkach
Lidar CHAMAS u siektary Haza zrabiŭ pieršuju publičnuju zajavu z pačatku vajny
CHAMAS manić? Pradstaŭnik Izraila pastaviŭ pad sumnieŭ kolkaść zahinułych u Hazie