Baćki Lijany, Hił i Pit Bryśli, raspaviali, što jana da kanca sprabavała abaranić svaich dačok. «Lijana zrabiła jak lubaja maci — trymała svaich dziaciej na rukach», — skazali jany.
Baćki žančyny brytana-izrailskaha pachodžańnia, zabitaj u svaim domie bajevikami CHAMAS razam z dvuma dziećmi, kažuć, što ich znajšli ŭ abdymkach adna adnoj, piša Bi-bi-si.
48-hadovaja ŭradženka Brystala Lijana Šarabi i dźvie jaje dački-padletki zahinuli 7 kastryčnika ŭ svaim domie ŭ kibucy Bieer, kali jaho šturmavaŭ CHAMAS.
Baćki Lijany, Hił i Pit Bryśli, raspaviali, što jana da kanca sprabavała abaranić svaich dačok. «Liana zrabiła jak lubaja maci — trymała svaich dziaciej na rukach», — skazali jany.
Baćki Lijany, jakija žyvuć ciapier u anhlijskim Brydžendzie, raspaviali Bi-bi-si pra svaju dačku i ŭnučak Noju i Jachiel praź niekalki dzion paśla ich pachavańnia.
Na dumku Hił Bryśli, u Izraili zvyčajna panavała pryjaznaja atmaśfiera, i kraina była «vydatnym miescam dla stvareńnia siamji».
«Tam, dzie jany žyli, pry narmalnych abstavinach było samaje biaśpiečnaje miesca dla vychavańnia dziaciej, vydatnyja dziciačyja sady, škoły, jany ŭsich viedali, zajmalisia sportam, katalisia na rovarach, jeździli ŭ inšyja rajony Izraila», — skazała žančyna.
Tak było da 7 kastryčnika, kali CHAMAS zachapiŭ dom Šarabi, u jaki jany pierajechali try hady tamu.
Pa słovach Pita Bryśli, hetuju navinu jon ubačyŭ pa televizary:
«Ja ŭklučyŭ televizar, ubačyŭ, što pačałasia biada, pasłaŭ Lijanie paviedamleńnie, kab spytać, ci ŭsio ź joj u paradku, ale jana nie adkazała, — skazaŭ jon. — Dumaju, da taho času jana ŭžo była miortvaja. Ich dom byŭ adnym z najbližejšych da barjera, praź jaki ŭvajšli bajeviki CHAMAS. Usie, chto znachodziŭsia na vulicy, byli zabityja ci ciažka paranienyja».
Pa słovach Hił Bryśli, paźniej jany daviedalisia, što izrailskija sałdaty znajšli cieły ich unučak u abdymkach Lijany.
Hił Bryśli raspaviadaje, što Lijana była «ščaślivym dziciem» i «zaŭsiody chacieła padarožničać pa śviecie».
Pavodle jaje słoŭ, u 19 hadoŭ Lijana pierajechała z Brystala ŭ izrailski kibuc, praź niekalki miesiacaŭ sustreła svajho budučaha muža i vyrašyła budavać tam svajo žyćcio: vyvučyła iŭryt i naradziła dźviuch dačok — Jachiel i Noju. Na momant napadu CHAMAS im było 13 i 16 hadoŭ.
Hił Bryśli apošni raz bačyła dačku i ŭnučak u lipieni, paśla taho jak jany pabyvali na bat-mićvie Jachieli i praviali dva tydni vakacyj, «hulajučy ŭ basiejnie i durejučy».
Nie majučy mahčymaści pryjechać na pachavańnie, členy siamji raźvitvalisia z zahinułymi z dapamohaj WhatsApp — hladzieli cyrymoniju pachavańnia, na jakuju sabralisia sotni ludziej.
«My adčuvajem zdranćvieńnie… Što zdaryłasia — toje zdaryłasia, my nie možam hetaha źmianić, — kaža Hił Bryśli. — My pavinny praz heta prajści».
Kamientary
Hetaja hulnia ŭ adni varoty budzie doraha kpštavać i biełaruskaj žurnalistycy, i pravaabaronie, i hramadstvu. Adkaznaść i na vas, NN!
Da 7 kastryčnika kolki vašych palestynskich dziaciej było zabita, adkažycie? Dy i paśla, prabačcie, ale chamas jašče nia toje vam raspaviadzie.