Ukraina maje prava likvidavać Pucina pry pieršaj ža mahčymaści — Zialenski
Rasija nie pakidaje namieraŭ lubym sposabam źniščyć ukrainskaha prezidenta, i Ukraina ŭ svaju čarhu taksama maje prava likvidavać Pucina, zajaviŭ Uładzimir Zialenski ŭ intervju The Sun.
Uładzimir Zialenski. Skryn videa
Na pytańnie, ci skarystajecca Ukraina šancam zabić prezidenta Rasii Uładzimira Pucina, kali pradstavicca takaja mahčymaść, Zialenski skazaŭ: «Heta vajna — i Ukraina maje ŭsie pravy abaraniać svaju ziamlu».
Ale jon admoviŭsia adkazvać na pytańnie ab zamachach na prarasijskich kałabarantaŭ i tak zvanuju «ŭładu» na časova akupavanych terytoryjach, adznačyŭšy, što «nie moža abmiarkoŭvać nijakich śpiecapieracyj ukrainskaj raźviedki ci sakretnaj słužby».
«Jość niekatoryja momanty, jakija my nie abmiarkoŭvajem. Nie tolki [dyviersii] unutry Rasii. Jość padziei, jakija my nie abmiarkoŭvajem na našych časova akupavanych terytoryjach».
Havoračy ab arhanizavanych Rasijaj zamachach na jaho, Zialenski skazaŭ, što takich ad pačatku poŭnamaštabnaha ŭvarvańnia było nie mienš za 5-6.
«[Paśla hetaha ŭsiaho ja adčuvaju siabie] narmalna. [Zapomniŭsia] pieršy raz. Heta było najbolš cikava, kali heta było ŭpieršyniu. A dalej heta jak kavid — spačatku ludzi nie viedajuć, što z hetym rabić, i heta vyhladaje vielmi strašna, a potym prosta raźviedka kaža tabie detali, što była jašče adna hrupa, jakaja prybyła va Ukrainu i sprabavała heta zrabić.[Kolki ŭsiaho zamachaŭ było] ja nie viedaju. Sapraŭdy nie viedaju. Ja dumaju, nie mienš za 5-6», − skazaŭ Zialenski.
Čytajcie taksama:
Zialenski: 10 hadoŭ tamu ŭkraincy pačali pieršy kontrnastup
Zialenski: Vajna nie zavieršycca tak chutka, jak chočacca
Zialenski: Rasija choča pasiejać chaos va Ukrainie i zrynuć prezidenta