Uładzimir Zialenski źviarnuŭsia da ŭkraincaŭ z nahody dziasiatych uhodkaŭ Druhoha Majdana — 21 listapada 2013 hoda ŭkraincy vyjšli ŭ centr Kijeva pratestavać suprać admovy tahačasnaha prezidenta Janukoviča padpisvać pahadnieńnie ab asacyjacyi ź ES.
«Dziesiać hadoŭ tamu my pačali novuju staronku baraćby. Dziesiać hadoŭ tamu ŭkraincy pačali svoj pieršy kontrnastup — suprać biezzakońnia, sprobaŭ pazbavić nas jeŭrapiejskaj budučyni, suprać našaha rabstva.
Hod za hodam, krok za krokam, my robim usio, kab naša zorka — zorka Ukrainy — zaźziała ŭ kole zorak na ściahu ES, jaki simvalizuje jednaść narodaŭ Jeŭropy.
Abjadnacca mohuć tolki mocnyja. Adzinyja, chto staŭ svabodnym. Volny być hodnym. Dziela novych časoŭ. Z Dniom Hodnaści i Svabody, mocnyja ludzi mocnaj krainy! Słava Ukrainie!», — skazaŭ u svaim zvarocie Uładzimir Zialenski.
21 listapada 2013 hoda ŭkraincy vyjšli ŭ centr Kijeva pratestavać suprać admovy tahačasnaha prezidenta Janukoviča padpisvać pahadnieńnie ab asacyjacyi ź ES. U vyniku heta vyliłasia ŭ šyrokija pratesty, jakija ciahnulisia try miesiacy, i skončylisia 21 lutaha 2014 hoda ŭciokami Janukoviča, a taksama anieksavańniem Kryma i Danbasa.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary