Ukraina ŭviała sankcyi suprać Biełarusi i Rasii na 50 hadoŭ
22 listapada Viarchoŭnaja Rada Ukrainy prahałasavała za pastanovu, jakaja praduhledžvaje ŭviadzieńnie śpiecyjalnych ekanamičnych abmiežavańniaŭ u śfiery abaronnaj pramysłovaści Rasii i Biełarusi. 20 listapada ich prapanavaŭ uvieści prezident Ukrainy Uładzimir Zialenski.
Zdymak ilustracyjny. Fota: Andrii Nesterenko/Global Images Ukraine via Getty Images
Sankcyi raspaŭsiudžvajucca na handal ź biełaruskim i rasijskim biznesam tavarami, jakija padpadajuć pad zakon ab dziaržkantroli mižnarodnaj pieradačy tavaraŭ vajskovaha i padvojnaha pryznačeńnia. Taksama zabaroniena inviestycyjnaja supraca ŭ śfiery ich vytvorčaści i ździełki, zaklučanyja z pryciahnieńniem rezidentaŭ trecich krain. Ciapier niemahčymaja taksama pieradača rezidentam Rasii i Biełarusi technałohij i pravoŭ na abjekty intelektualnaj ułasnaści.
Akramia taho, biznesu pradpisvajecca pierapynić sumiesnyja prajekty i pramysłovyja prahramy ŭ śfiery biaśpieki i abarony z udziełam kampanij, u jakich zasnavalnikami źjaŭlajucca rezidenty Rasii abo Biełarusi.
Za ŭviadzieńnie sankcyj prahałasavali 304 deputaty Viarchoŭnaj Rady.
Čytajcie taksama:
Ukraina ŭviała sankcyi ŭ dačynieńni da praŭładnaha aktyvista Alaksieja Tałaja i jaho fonda
Vienhryja zabłakavała abmierkavańnie novych sankcyj ES suprać Rasii