Ukraina ŭviała sankcyi ŭ dačynieńni da praŭładnaha aktyvista Alaksieja Tałaja i jaho fonda
Prezident Ukrainy Uładzimir Zialenski padpisaŭ dva ŭkazy ab uviadzieńni ŭ dziejańnie rašeńniaŭ SNBA ab sankcyjach. Ukazam uvodziacca abmiežavańni na piać hadoŭ suprać 100 fizičnych asob i 37 jurydyčnych asob. Sankcyi ŭviedzieny ŭ dačynieńni da biełaruskaha praŭładnaha aktyvista Alaksieja Tałaja, a taksama suprać jaho fondu.
Patrapili ŭ śpis taksama dziaržsakratar Sajuznaj dziaržavy Biełarusi i Rasii Dźmitryj Mieziencaŭ i ŭpaŭnavažanaja pa pravach dziciaci pry prezidencie RF Maryja Lvova-Białova.
MZS Ukrainy daručana prainfarmavać kampietentnyja orhany ES, ZŠA i inšych krain ab prymianieńni sankcyj i «pastavić pierad imi pytańnie ab uviadzieńni anałahičnych abmiežavalnych mier».
Z Ukrainy ŭ Rasiju za čas vajny byli departavanyja, pavodle ŭkrainskaha boku, bolš za 16 tysiač dziaciej. Za niezakonnuju departacyju dziaciej z akupavanych terytoryj Ukrainy ŭ RF Mižnarodny kryminalny sud u Haazie vydaŭ ordar na aryšt Uładzimira Pucina i Lvovaj-Białovaj.
U departacyi ŭkrainskich dziaciej taksama ŭdzielničaje Biełaruś. Siudy dziaciej vyvoziać nibyta na «azdaraŭleńnie». Zajmajecca hetym pa daručeńni Łukašenki fond Tałaja, a taksama Biełaruskaje tavarystva Čyrvonaha Kryža.
Suprać Łukašenki Ukraina sankcyj nie ŭvodziła.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary