Prosty desiert z chleba
Reštki chleba možna biez asablivych vysiłkaŭ pieratvaryć u prosty desiert. Adnak kali vy dadaście śviežuju ci sušanuju sadavinu i śpiecyi, hety prosty desiert adrazu stanie asablivym.
Chlebny desiert sa śviežymi jahadami. Fota: Getty Images
Desierty z učarašniaha ci prosta źlohku sčarśćviełaha chleba papularnyja ŭ roznych kuchniach. Z francuzskaha chleba na zakvascy robiać zapiakanku, prypraŭlenuju karycaj, a ŭ Łatvii ŭsim viadomy sałodki pačastunak z žytniaha chleba, vareńnia i ŭźbitych viarškoŭ. Prapanavany recept — adzin z samych prostych u śviecie chlebnych desiertaŭ.
Chlebny pudynh vydatna spałučycca z kampotam ci čajem. Kali chočacie atrymać bolš vytančany varyjant hetaha desiertu, dadajcie pierad vypiečkaj žmieniu šakaładnaj stružki.
Vam spatrebicca:
- 2 kubki małaka
- 2 łyžki niesalonaha masła plus jašče trochi dla zmazvańnia formy
- 1 łyžka vanilnaha ekstraktu
- 1 šklanka cukrovaha piasku
- drobka soli
- pałova buchanki sałodkaha jaječnaha chleba, narezanaja kubikami pa 5 sm
- 2 jajki, uźbityja
- śpiecyi na žadańnie: karyca, muskatny arech, duchmiany pierac i kardamon
Fota: annick vanderschelden photography / Getty Images
Jak hatavać:
- Nahrejcie duchoŭku da 180 hradusaŭ. U nievialikaj kastruli na słabym ahni nahrejcie małako, masła, vanil, cukar i sol. Hatujcie, pakul masła nie rastanie; astudzicie. Tym časam vyšmarujcie masłam formu dla vypiečki i napoŭnicie jaje chlebam, narezanym kubikami.
- Dadajcie jajki ŭ astyłuju małočnuju sumieś i ŭźbicie; vylicie sumieś na chleb.
- Vypiakajcie 30-45 chvilin abo pakul krem nie zastynie, ale ŭsio jašče budzie trochi zybkim, a krai chleba nie padrumianiacca. Padavajcie ciopłym abo pakajovaj tempieratury.
Bolš pra ježu:
Kolki možna zachoŭvać zamarožanyja pradukty i ci možna zamarožvać ich paŭtorna
Syrniki z rykoty. Recept i padkazki, jak hatavać
Trubačka ŭ karycy — češski trdzielnik. Hatujem doma: recept i sakrety
Siezon hranata pačaŭsia. Voś niekalki receptaŭ z hranatam, pra jakija vy nie padumali b