Ofis Cichanoŭskaj abmiarkuje ŭ Siejmie Litvy pravavoje stanovišča biełarusaŭ
Ofis Śviatłany Cichanoŭskaj «budzie zamahacca, kab biełarusy adčuvali siabie narmalna ŭ luboj jeŭrapiejskaj krainie».
Vilnia. Vulica Mindoŭha. Fota: «Naša Niva»
Tak daradca demakratyčnaha lidara pa kanstytucyjnaj reformie i mižparłamienckim supracoŭnictvie Anatol Labiedźka prakamientavaŭ «Pozirku» inicyjatyvu šerahu litoŭskich parłamientaryjaŭ abmiežavać vydaču biełarusam časovaha dazvołu na žycharstva.
14 śniežnia ŭ siejmie Litvy ź inicyjatyvy Ofisa projduć słuchańni i dyskusija ŭ farmacie pašyrannaha pasiadžeńnia Kamiteta pa mižnarodnych pytańniach i hrupy deputataŭ «Za demakratyčnuju Biełaruś».
Heta štohadovaje mierapryjemstva, adznačyŭ palityk, ale sioleta jaho temu budzie vyznačać «situacyja z vybarami i adpaviednymi zakanadaŭčymi inicyjatyvami», tamu ofis Cichanoŭskaj choča «zasiarodzicca na abmierkavańni stanovišča biełarusaŭ u pravavym poli Litvy».
Čytajcie taksama: