Rada ES vyrašyła pačać pieramovy z Ukrainaj i Małdovaj ab ustupleńni ŭ Jeŭrasajuz
Pra pryniaćcie Jeŭraradaj rašeńnia ab pačatku pieramoŭ z Ukrainaj i Małdovaj paviedamiŭ u sacsietcy X jaje kiraŭnik Šarl Mišel.
Šarl Mišel z prezidentam Ukrainy Uładzimiram Zialenskim i prezidentkaj Małdovy Majaj Sandu ŭ Kijevie ŭ listapadzie 2023 hoda. Fota: Viktor Kovalchuk/Global Images Ukraine via Getty Images
«Jeŭrapiejskaja Rada pryniała rašeńnie adkryć pieramovy ab ustupleńni ŭ ES z Ukrainaj i Małdovaj. Jeŭrapiejskaja Rada dała Hruzii status kandydata», — havorycca ŭ paviedamleńni.
Što tyčycca Bośnii i Hiercahaviny, to pieramovy ź joj pačnucca, «jak tolki budzie dasiahnuta nieabchodnaja stupień adpaviednaści kryteram siabroŭstva».
Ukraina atrymała status kandydata na ŭstupleńnie ŭ Jeŭrasajuz u červieni. 8 listapada hetaha hoda Jeŭrakamisija rekamiendavała Radzie ES pačać pieramovy ab ustupleńni Ukrainy i Małdovy ŭ hetu arhanizacyju.
Čytajcie taksama:
Jeŭrasajuz vydzielić 5 miljonaŭ jeŭra na padtrymku biełaruskaj kultury
Padtrymku ŭ pamiery 30 młn jeŭra atrymajuć biełaruskija demsiły ad ES — Barel
Orban prapanavaŭ adkłaści na 10 hadoŭ pieramovy ab ustupleńni Ukrainy ŭ ES