Orban prapanavaŭ adkłaści na 10 hadoŭ pieramovy ab ustupleńni Ukrainy ŭ ES
Na dumku premjera Vienhryi, pamyłkova abmiarkoŭvać «niepadrychtavanuju» temu.
Premjer-ministr Vienhryi Viktar Orban prapanavaŭ Jeŭrasajuzu zaklučyć z Ukrainaj pahadnieńnie ab stratehičnym partniorstvie na 5-10 hadoŭ i tolki paśla zakančeńnia hetaha terminu viarnucca da pytańnia ab jaje členstvie ŭ ES. Pra heta vienhierski premjer vykazaŭ u intervju radyjostancyi Kossuth, paviedamlaje The Moscow Times.
Pavodle jaho słoŭ, Jeŭrakamisija vyłučyła prapanovu pačać pieramovy ab členstvie Ukrainy, ale «heta nie supadaje ź intaresami mnohich dziaržaŭ», tamu «pieramovy nie pavinny pačynacca». Kali hetaje pytańnie budzie pastaŭlena na paradak dnia samitu ES u Brusieli, jaki maje adbycca ŭ śniežni, to jaho ŭdzielnikam «nie ŭdasca damovicca adzin z adnym», zajaviŭ Orban.
«Vienhryja pieraškodzić pryniaćciu ahulnaha rašeńnia. Praviły ES abviaščajuć, što jość peŭnyja temy, pa jakich rašeńnie prymajecca tolki tady, kali zhodny ŭsie krainy-čalcy… Zahadzia možna bačyć, što zhody nie budzie, tamu ja prapanavaŭ i prapanuju nie pačynać pieramovy ab ustupleńni Ukrainy ŭ ES… i nie vynosić na paradak dnia», — skazaŭ premjer Vienhryi.
Na jaho dumku, pamyłkova abmiarkoŭvać «niepadrychtavanuju» temu.
Kamientary
https://kulturologia.ru/blogs/021217/36889/