Kolkaść zahinułych u vyniku ŭdaru pa Biełharadzie vyrasła da 22
Udar 30 śniežnia pa centry rasijskaha pryhraničnaha abłasnoha centra nazvali adkazam na rasijskija ataki pa Ukrainie.
Biełharad paśla ŭdaru. Fota: telehram-kanał hubiernatara Hładkova
Hubiernatar Biełharadskaj vobłaści Viačasłaŭ Hładkoŭ paviedamiŭ ranicaj, što ciapier viadoma pra 22 zahinułych, ź ich troje — dzieci. Jašče 109 paranienyja (ź ich 25 ź ciažkimi ranieńniami).
Udar z rakietnych sistem pryjšoŭsia pa centralnaj častcy Biełharada. Adkaznaść za jaho ŭziali Siły abarony Ukrainy.
Vajskovaje viedamstva Rasii zajaviła, što horad abstralali dźviuma rakietami «Alcha» z kasietnymi bojeprypasami i reaktyŭnymi snaradami RSZA Vampire.
Śćviardžałasia, što rakiety byli źbityja, jak i bolšaść reaktyŭnych snaradaŭ.
«U vypadku pramoha papadańnia rakiet «Alcha» z kasietnymi bojeprypasami pa horadzie nastupstvy byli b nievymierna ciažejšyja», — havaryłasia ŭ paviedamleńni.
Minabarony RF zajaviła, što meta ataki — adciahnuć uvahu ad paraz na froncie i spravakavać na adkaz. Taksama viedamstva ŭ čarhovy raz cynična paŭtaryła, što Uzbrojenyja siły Rasii pracujuć tolki pa vajskovych abjektach i źviazanaj ź imi infrastruktury.
Rasija ŭ adkaz stała bambić Charkaŭ.
Hladzicie taksama:
Jak paśla papadańnia rakiety vyhladaje piacizorkavy hatel u Charkavie FOTA
Ukraina naniesła masiravany ŭdar pa Biełharadzie
Minabarony Rasii paviedamiła pra źniščeńnie 32 ukrainskich dronaŭ nad čatyrma abłaściami