BIEŁ Ł RUS

Mask zajaviŭ, što ni ŭ jakim razie nie budzie hałasavać za Bajdena

22.01.2024 / 10:23

Nashaniva.com

Takim čynam jon prakamientavaŭ ułasnaje intervju telekanału CNBC, dzie zajaviŭ, što na vybarach 2020 hoda hałasavaŭ za Bajdena.

Iłan Mask. Fota: Susan Walsh / AP

Amierykanski pradprymalnik Iłan Mask zajaviŭ, što nie źbirajecca na budučych vybarach u ZŠA hałasavać za dziejnaha prezidenta Džo Bajdena, pra heta jon napisaŭ u sacsietcy X.

I cannot see myself voting for Biden this time

— Elon Musk (@elonmusk) January 21, 2024

«Ja nie mahu ŭjavić, kab ja prahałasavaŭ za Bajdena hetym razam», — napisaŭ miljarder.

Ad Demakratyčnaj partyi, kali nie zdarycca ničoha kardynalnaha, na druhi termin budzie bałatavacca Džo Bajden. Asnoŭnym kankurentam ad respublikancaŭ, vidać, budzie Donald Tramp, jaki byŭ prezidentam u 2017-2021 hadach. 

Zaraz u Respublikanskaj partyi prachodziać prajmieryz. Kokusy ŭ Ajovie vyjhraŭ ź vialikim adryvam Tramp. Zaŭtra projduć prajmieryz u Ńju-Hiempšyry. Pierad imi źniaŭ svaju kandydaturu na karyść Trampa hubiernatar Fłarydy Ron Desancis.

Kančatkova kandydat ad Respublikanskaj partyi budzie nazvany ŭ lipieni padčas źjezda partyi.

Prezidenckija vybary ŭ ZŠA projduć u listapadzie. Kali Tramp pieramoža, jon stanie druhim u historyi prezidentam, jaki kiravaŭ ź pierapynkam. Hrovier Kliŭlend byŭ prezidentam u 1885-1889-ch i 1893—1897 hadach.

Čytajcie taksama:

Hałoŭny supiernik Trampa siarod respublikancaŭ źniaŭsia z vybaraŭ na jaho karyść

Tramp vyjhraŭ kokusy ŭ Ajovie

Ci zmoža Niki Chejli vybić Trampa? Debatuje jana pryŭkrasna

Čytajcie taksama:

Kamientary da artykuła