Hałoŭny supiernik Trampa siarod respublikancaŭ źniaŭsia z vybaraŭ na jaho karyść
Hubiernatar štata Fłaryda Ron Desancis abviaściŭ, što spyniaje ŭdzieł u prezidenckaj honcy za vyłučeńnie kandydatam ad Respublikanskaj partyi.
Videa z takoj zajavaŭ jon apublikavaŭ 21 studzienia ŭ X (byłym tvitary).
Desancis vykazaŭ padtrymku byłomu prezidentu ZŠA Donaldu Trampu, bo jamu stała jasna, što bolšaść vybarščykaŭ chočuć dać Trampu jašče adzin šans. Jon zajaviŭ, što toj pieraŭzychodzić Džo Bajdena.
«Ja paabiacaŭ padtrymać kandydata ad respublikancaŭ, i ja strymaju hetaje abiacańnie. Ja padtrymlivaju jaho, tamu što my nie možam viarnucca da staroj Respublikanskaj hvardyi minułych hadoŭ», — zajaviŭ Desancis.
Svajo videa palityk supravadziŭ cytataj Čerčyla: «Pośpiech nie kančatkovy, niaŭdača nie fatalnaja: hałoŭnaje — mužnaść praciahvać».
Niezadoŭha da hetaha Bloomberg napisała, što hubiernatar Fłarydy moža źniać svaju kandydaturu, «kab paźbiehnuć haniebnaha treciaha miesca» na kokusach u Ńju-Hempšyry.
Na pieršych kokusach u Ajovie 16 studzienia pieramoh Tramp ź vialikim adryvam — jon nabraŭ 51,1%. Desancis zaniaŭ druhoje miesca z 21,2%, Niki Chejli stała treciaj z 19,1%.
Kamientary