Biełarusy stali bolš chadzić pa bałotach
Biełarusy ŭ apošni čas stali bolš cikavicca ekałahičnym turyzmam, adznačyŭ dyrektar respublikanskaha łandšaftnaha zakaźnika «Jelnia» Ivan Barok na pres-kanfierencyi ŭ piatnicu. Naprykład, na «Jelni» nazirajecca «za apošnija 3-4 hady — usplosk naviedvańniaŭ jak arhanizavanymi hrupami, tak i zvyčajnymi turystami», paviedamlaje Smartpress.
Panarama bałota Jelnia z ekałahičnaj ściežki. Fota: Wikimedia Commons
Adnak Ivan Barok adznačaje, što heta maje i niehatyŭnyja nastupstvy dla takich ekasistem. Niahledziačy na toje, što kala 90% naviedvalnikaŭ łakalizavanyja na ekaściežcy, śpiecyjalna abstalavanaj draŭlanymi naściłami, u apošni hod źjaviłasia šmat naviedvalnikaŭ, jakija chodziać prosta pa bałocie.
«Ich pryciahvajuć u centry bałota tak zvanyja suchija vyspy z vychadam na bierahi azior. Kali prachodzić šmat čałaviek pa adnoj ściežcy, to paśla ich zastajecca litaralna budučaje rečyšča ručaja, jakoje viasnoj budzie mocna dreniravać bałota», — raskazaŭ śpiecyjalist.
Pavodle jaho słoŭ, na zakonnaj padstavie naviedvać bałoty zabaranić nielha, ale niearhanizavanyja turysty mohuć u niekatorych miescach źniščać ekasistemu.
Kiraŭnik zakaźnika taksama raskazaŭ, što ŭ hetym hodzie płanujecca abstalavać asnoŭnyja punkty ŭvachodu na bałoty videanazirańniem, kab zrazumieć, kolki mienavita čałaviek ich naviedvajuć.
Čytajcie taksama:
Ad vyspy da piramidy. Jakija małaviadomyja miescy varta naviedać u Biełarusi?
Biełaruskaje bałota Jelnia akazałasia kudy starejšym, čym ličyłasia
Knihu pra pinskija bałoty naminavali na premiju histaryčnaj knihi hoda ŭ Polščy