Biełaruskaje bałota Jelnia akazałasia kudy starejšym, čym ličyłasia
Navukoŭcy vyvučyli ŭzrost samaha viadomaha biełaruskaha bałota z unikalnaj ekasistemaj, jakoje pa płoščy paraŭnalnaje ź Minskam. Jano znachodzicca ŭ Miorskim rajonie Viciebskaj vobłaści. Navukovuju ekśpiedycyju arhanizavała ahienctva ekskursij YelnyaTrip razam ź Instytutam pryrodakarystańnia NAN.
Udzielniki ekśpiedycyi mieli namier daśledavać tarfianyja zaležy ŭ miescach samaha hłybokaha ich zalahańnia. Pavodle danych raźviedki 50-ch hadoŭ, najbolšaja hłybinia składała 8,3 mietra.
Adnak pry sprobie znajści takuju hłybiniu kamanda ŭtapiła ŭ bałotnych nietrach śvierdzieł. Tamu faktyčnaja maksimalnaja hłybinia, jakuju ŭdałosia znajści ŭ chodzie ekśpiedycyi, skłała 7,25 m.
Atrymany materyjał vyvučali mietadam radyjovuhlerodnaha analizu, dakładnaść jakoha składaje amal 98%. U vyniku vyjaviłasia, što nižnija płasty bałota sfarmavalisia ŭ dyjapazonie 12 821 — 13 114 hadoŭ tamu.
Takim čynam vyśvietliłasia, što bałota našmat starejšaje, čym ličyli navukoŭcy. Raniej ličyłasia, što jamu kala 9 tysiač hadoŭ.
Ekśpiedycyju častkova praviali na hrošy, sabranyja nieabyjakavymi hramadzianami. Kampanija sabrała 60 danataŭ pieravodami ad 3 da 200 rubloŭ, što skłała pałovu toj sumy, jakaja patrabavałasia. Astatniuju častku pakryli sami ŭdzielniki ekśpiedycyi.
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary