BIEŁ Ł RUS

Važny kitajski bank spyniŭ apieracyi ź Biełaruśsiu i Rasijaj

7.02.2024 / 17:17

Nashaniva.com

Rasijski biznes čakaje nastupleńnia «łahistyčnaha kałapsu» praz toje, što bank Chouzhou Commercial Bank napiaredadni kitajskaha Novaha hoda paviedamiŭ klijentam ab prypynieńni apieracyj z Rasijaj i Biełaruśsiu. Pra heta raskazała hazieta «Viedomosti» sa spasyłkaj na znajomych ź situacyjaj pradstaŭnikoŭ biznesu.

Fota ilustracyjnaje

Pavodle infarmacyi vydańnia, mieniedžmient banka jašče na minułym tydni paviedamiŭ svaim klijentam pra spynieńnie adnosin ź biełaruskimi i rasijskimi arhanizacyjami. Pry hetym pieršapačatkova ŭ Chouzhou paviedamlali ab spynieńni płaciažoŭ tolki pa pieraliku tavaraŭ, uvoz jakich u Rasiju zabaronieny mižnarodnymi sankcyjami.

U «Viedomostiach» adznačyli, što bank Chouzhou staŭ hałoŭnym raźlikovym centram dla rasijskich imparcioraŭ, čamu spryjała siarod inšaha raźmiaščeńnie jaho štab-kvatery ŭ adnym z hałoŭnych łahistyčnych vuzłoŭ kitajskaha ekspartu ŭ Rasiju — horadzie Iu.

Krynicy haziety śćviardžajuć, što spynieńnie raźlikaŭ zakranaje tranzakcyi, jakija pravodziacca nie tolki praz SWIFT, ale i z dapamohaj alternatyŭnych sistem pieradačy finansavych paviedamleńniaŭ — rasijskaj SPFS i kitajskaj CIPS.

Pradstaŭniki rasijskaha biznesu zajavili haziecie, što ŭ suviazi ź situacyjaj, jakaja skłałasia, a taksama z nadychodam kitajskaha Novaha hoda čakajuć łahistyčny kałaps, bo z-za doŭhich vychadnych u Kitai vyvaz tavaru budzie vielmi abciažarany až da sakavika.

Čytajcie taksama:

«Pijanahiejt»: kanflikt vuličnaha pijanista z hrupaj kitajcaŭ atrymaŭ mižnarodny rezanans

«Z momantu pakupki prajšło 1,5 tydnia, a tut takoje!» Biełarus kupiŭ BELGEE X50 i adrazu znajšoŭ prablemy

U Biełaruś, mahčyma, dastavili vajskovuju techniku z Kitaja

Čytajcie taksama:

Kamientary da artykuła