«Z momantu kupli prajšło 1,5 tydnia, a tut takoje!» Biełarus kupiŭ BELGEE X50 i adrazu znajšoŭ prablemy
Dźmitryj ź Minska ŭ śniežni minułaha hoda staŭ uładalnikam BELGEE X50. Kaža, vybraŭ na biełaruski krasovier nievypadkova: mienavita hety aŭtamabil zadavalniaŭ jaho pa ŭsich paramietrach. I dośvied vałodańnia kitajskim aŭta ŭ mužčyny ŭžo byŭ, piša av.by.
— Da hetaha ja try hady jeździŭ na Geely Coolray. Kali harantyja stała zakančvacca, vyrašyŭ pamianiać mašynu. Na druhasny rynak z žonkaj asabliva nie hladzieli. Dy i pa suadnosinach cana — jakaść usio zadavalniała, tamu vyrašyli viarnucca da «Džyli», a dakładniej BELGEE.
— U čarhu na aŭtamabil my ŭstali ŭ traŭni 2023 hoda ŭ staličnym dylerskim centry. Była adna ŭmova: nie žadajem dadatkovych opcyj! Terminaŭ mnie nijakich nie abiacali, a ŭ pryvatnych razmovach adznačałasia, što, pakul jość čarha, biez «dadatkaŭ» mnie ničoha nie prapanujuć! Zjaviŭsia niejak Atlas Pro, ale dla nas heta zanadta vialikaje aŭto. Chaciełasia haradski viortki krasovier! — raskazvaje Dźmitryj.
Tady biełarus vyrašyŭ źviarnucca da inšaha dylera: moža čarha niedzie budzie mienš, a ŭmovy — bolš prydatnymi.
— Patelefanavaŭ u dylerski centr u Salihorsku. Mianie pastavili ŭ čarhu biez naviazvańnia jakich-niebudź «dadatkaŭ», choć kankretnych terminaŭ taksama nichto nie ahučyŭ, — uspaminaje ŭładalnik.
I voś akurat praz try tydni Źmicier staŭ ščaślivym uładalnikam užo ajčynnaha krasoviera BELGEE X50. Cana aŭtamabila ŭ maksimalnaj kamplektacyi — 77 640 rubloŭ. Adnak užo pry pieršaj pajezdcy ŭ haspadara mašyny stali zjaŭlacca sumnievy…
— Aŭtamabil trochi patorhvała pry razhonie, ale ja śpisvaŭ heta na abkatku! Plus pasažyrskija dźviery začynialisia z peŭnym namahańniem. Na papiarednim Geely usio było płaŭna — ličy, jak u «mersedesie»! Byli pytańni i pa optycy: subjektyŭna pramień śviaciŭ zanadta vysoka, — adznačaje aŭtaŭładalnik. — Zrazumieła, ja adrazu pacikaviŭsia: a ci pravodziłasia pieradprodažnaja padrychtoŭka majho aŭto?
Z metaj razabracca ŭ situacyi, jakaja skłałasia, Źmicier źviarnuŭsia na zavod «BIEŁDŽY». Aŭtaŭładalnik pacikaviŭsia ŭ biełaruskaha vytvorcy, kamu jon moža zadać pytańni i vykazać pretenzii.
«Dla praviadzieńnia absłuhoŭvańnia vašaha aŭtamabila vy možacie źviarnucca ŭ luby dylerski centr Geely», — adkazali ŭ aficyjnym liście. I dadali, što, kali vypadak pryznajuć harantyjnym, pracy praviaduć na biazvypłatnaj asnovie.
— Tady ja pajechaŭ da aficyjnaha dylera «Atłant-M Baravaja» z pretenzijami na padcioki na paneli, dźviarach i z pytańniami pa rehulavańni far. Pa padciokach paprasili nazirać, pa farach zajavili, što adrehulavać mohuć tolki płatna. Maŭlaŭ, za hetuju praceduru adkazny pradaviec. A z pasažyrskimi dźviaryma adpravili raźbiracca ŭ kuzaŭny cech…
U razmovie Źmicier nieadnarazova padkreślivaje: pretenzii, mahčyma, nosiać subjektyŭny charaktar, ale nie pazbaŭlenyja padstaŭ! I tamu jość dokazy: fota i videa.
— U kancy śniežnia ja pačaŭ ustaloŭvać dadatkovaje abstalavańnie: videarehistratar i elektrapryvad zadnich dźviarej. Pry razborcy abiŭki byŭ vyjaŭleny, jak mnie zdajecca, brak zborki aŭtamabila! Pahladzicie, jak tam ustalavany kabiel dla paneli pad numarnym znakam! Humovaja ŭtułka, jakaja abaraniaje ad praniknieńnia vilhaci ŭnutr dźviarej bahažnika, nie pastaŭlena ŭ štatnaje miesca! Heta ž vidavočna zroblena biez zachavańnia zavadskoj technałohii…
— Na prabiehu 1700 kiłamietraŭ mašyna pačała žudasna tuzacca, niemahčyma było kranucca sa śviatłafora — jana prosta «tupiła»! Voś tady ja i palez pad kapot. Vyrašyŭ pravieryć uzrovień alivy. Akazałasia, pad kapotam usio akuratna, a voś z kolkaściu techvadkaści — nie!
— Ščup pakazaŭ na ŭzrovień nižejšy za minimalny. Heta značyć, navat na jaho končyku nie vyjaviłasia śladoŭ prysutnaści alivy! — raspaviadaje aŭtaŭładalnik i demanstruje videa. — Adrazu byli dźvie dumki: ci na zavodzie alivy nie dalili, ci mator tak šmat jaho jeść z-za braku! Zabiahajučy napierad, skažu: zaraz dadzienaj prablemy niama. Uzrovień u normie.
Dźmitryj adrazu pajechaŭ u najbližejšy dylerski centr — im akazaŭsia «Łakšery Motars plus». Paśla zvanka na zavod mašynu ŭziali ŭ pracu, uzhadvaje aŭtaŭładalnik.
— U ruchavik dalili 1,7 litra alivy, kab adnavić nieabchodny ŭzrovień. Taksama adrehulavali fary. I samaje cikavaje: dylerski centr u Salihorsku kampiensavaŭ im hetyja pracy, — raskazvaje Dźmitryj. — Akramia taho, likvidavali padcioki na paneli i parekamiendavali nazirać, ci nie zjavicca novych. A voś pa dźviarach jakich-niebudź prablem nivodny z aŭtacentraŭ, kudy ja źviarnuŭsia, nie znajšoŭ.
Ciapier usie techničnyja niepaładki i likvidavanyja, ale, jak kažuć, asadak zastaŭsia.
Novy aŭtamabil na toje i novy, kab u pieršyja hady jaho ekspłuatacyi jeździć i nie dumać ab niaspraŭnaściach, razvažaje aŭtaŭładalnik.
Dyler: «Pradprodažnaja padrychtoŭka aŭtamabila BELGEE X50 była ažyćcioŭlena ŭ poŭnym abjomie»
Kab razabracca ŭ situacyi, žurnalisty dasłali zapyt u dylerski centr, dzie byŭ nabyty BELGEE X50. U pryvatnaści, pacikavilisia ŭ aficyjnaha pradstaŭnika Geely u Salihorsku «Biełaŭtaśpiechrup-M»: što mienavita ŭvachodzić u pieradprodažnuju padrychtoŭku mašyn? Voś što tam adkazali.
— Pieradprodažnaja padrychtoŭka aŭtamabila BELGEE X50 była ažyćcioŭlena pa zakaz-naradzie № 7317 ad 03.12.2023 3 śniežnia 2023 hoda zhodna z patrabavańniami vytvorcy ŭ poŭnym abjomie i zhodna z ček-listom. Na aŭtamabil klijenta ŭstanaŭlivałasia dadatkovaje abstalavańnie, jakoje nie ŭklučaje ŭ siabie ŭmiašańnie ŭ elektryčnaje abstalavańnie aŭtamabila. Dla razhladu zvarotu pa sutnaści prosim paŭtorna padać aŭtamabil dla ahladu. U vypadku paćvierdžańnia niaspraŭnaści budzie zrobleny harantyjny ramont.
Na pytańnie, što mienavita ŭvachodzić u pieradprodažnuju padrychtoŭku i čym možna rastłumačyć nievialiki abjom alivy, pradstaŭniki kampanii adkazali: infarmacyja ab ček-liście nosić kanfidencyjny charaktar. Mašyna prachodzić šmatstadyjnuju pravierku jak na zavodzie, tak i ŭ dylera pa 45 punktach. Heta vyklučaje mahčymaść vydačy aŭto ź nizkim uzroŭniem alivy.
Praź dziesiać hadoŭ latajučyja aŭto stanuć zvyčajnaj źjavaj. A pieršaje aeraelektrataksi źjavicca ŭžo ŭ 2025
U Biełaruś pryjšoŭ jašče adzin aŭtamabilny kitajski brend. Hetym razam elektramabili
U Biełaruś pryvieźli na prodaž redkuju Geely za 13 000 dalaraŭ. Voś jak jana vyhladaje
U Biełarusi nazvali aŭtamabil 2023 hoda
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu9
Kamientary