U Biełarusi jość tolki adzin kaścioł, nazvany ŭ honar śviatoha Valancina
Parafijalnaje śviata adznačyli ŭ kaściole śviatoha Valancina ŭ Smalavičach u niadzielu — raniej liturhičnaha ŭspaminu hetaha katalickaha śviatoha, što prypadaje na siońnia, 14 lutaha.
Fota: Wikimedia Commons
Mienavita na siońnia ŭ hetym hodzie prypadaje Papialcovaja sierada, jakoj pačynajecca Vialiki post. Prychodskija śviaty pryniata pieranosić na vychadnyja dni, kab bolšaja kolkaść ludziej zmahła ŭziać u ich udzieł, udakładniaje katolik.life.
Vierniki prasili śviatoha Valancina navučyć Božaj lubovi i daravańniu. Šanoŭnym hościem Smalavickaj parafii staŭ hienieralny vikaryj Minska-Mahiloŭskaj archidyjacezii biskup Alaksandr Jašeŭski, jaki ŭznačaliŭ celebracyju ŭračystaj śviatoj imšy.
Prychadžanie padaryli jamu kopiju ałtarnaj ikony Śviatoha Valancina. Fota: katolik.life
Paśla sumiesnaj malitvy dzieci parafii vystupili z pastanoŭkaj, a zatym udzielnikaŭ śviata čakaŭ abied — prysmaki prynosili prychadžanie.
Fotv: katolik.life
Śviaty Valancin — zastupnik lubovi, a luboŭ — heta vialiki dar, adznačyła pradstaŭnica parafii padčas vinšavańnia ŭdzielnikaŭ śviata:
«Žadaju dzietkam, kab lubili svaich baćkoŭ, nastaŭnikaŭ, adzin adnaho. Maładym ludziam — kab byli kachanymi, kab kachańnie było ščyrym, kab stvarali zdarovyja, dobryja siemji».
Čytajcie taksama:
Katalicki kaścioł u Biełarusi nie źbirajecca błasłaŭlać adnapołyja pary, choć heta dazvoliŭ Vatykan
Na minskich Kalvaryjskich mohiłkach źbirajucca adnavić pachavalni i rekanstrujavać kaścioł
U kaściole ŭ Lachavičach adklučyli zvonavyja miełodyi. Tak zapatrabavali dziaržorhany