«U Rasii pryniata pra niabožčyka ci dobra, ci ničoha». U Maskvie prakamientavali śmierć piłota, jaki ŭhnaŭ viertalot
Ułady RF upieršyniu prakamientavali zabojstva ŭ Ispanii lotčyka Kuźminava. Zajavu zrabiŭ dyrektar rasijskaj Słužby źniešniaj raźviedki RF Siarhiej Naryškin.
Maksim Kuźminaŭ (sprava). Fota: Miedyjacentr Ukrainy
«Vy viedajecie, u Rasii pryniata pra niabožčyka ci dobra, ci ničoha. Hety zdradnik i złačyniec staŭ maralnym trupam užo ŭ toj momant, kali jon płanavaŭ svajo brudnaje i strašnaje złačynstva», — skazaŭ Naryškin.
U kastryčniku na rasijskim TB vyjšaŭ siužet pra Kuźminava, dzie faktyčna naŭprost davałasia zrazumieć, što jaho majuć namier zabić jak «prodažnuju škuru» i «zdradnika».
Čytajcie taksama:
Rasijski piłot, jaki pierahnaŭ va Ukrainu viertalot Mi-8, atrymaje paŭmiljona dalaraŭ