Rasijski piłot, jaki pierahnaŭ va Ukrainu viertalot Mi-8, atrymaje paŭmiljona dalaraŭ
Piłot pieramieščanaha va Ukrainu rasijskaha viertalota Mi-8 28-hadovy Maksim Kuźminaŭ atrymaje ŭznaharodu — 500 tysiač dalaraŭ u hryŭnievym ekvivalencie. Ukrainskaja raźviedka zaklikaje rasijan uziać ź jaho prykład, piša «Ukrainskaja praŭda», spasyłajučysia na pradstaŭnika Hałoŭnaha ŭpraŭleńnia raźviedki ŭkrainskaha Ministerstva abarony Andreja Jusava.
Pra toje, što rasijski piłot za svoj učynak atrymaje ad ukrainskaj dziaržavy premiju paŭmiljona dalaraŭ, Andrej Jusaŭ zajaviŭ u efiry nacyjanalnaha telemarafonu:
«Viadoma, u nacyjanalnaj valucie. Jość aficyjnaje zakanadaŭstva, adpaviedny zakon, padpisany prezidentam Ukrainy ŭ krasaviku 2022 hoda ab adpaviednaj kampiensacyi ŭ vypadku, kali čałaviek pierachodzić na bok Ukrainy razam z technikaj.
Ukraina — demakratyčnaja pravavaja dziaržava, my i ŭłasnyja abaviazańni vykonvajem, i mižnarodnaha prava. Tamu jašče raz — tyja rasijanie, jakija nie chočuć stanavicca vajennymi złačyncami, kali łaska, zdavajciesia, pierachodźcie na ŭkrainski bok i abaraniajcie ŭžo ŭłasny honar i sumleńnie, zmahajciesia suprać pucinskaha režymu».
23 žniŭnia stała viadoma, što niadaŭna viertalot Mi-8 Uzbrojenych sił Rasii apynuŭsia va Ukrainie ŭ vyniku praciahłaj śpiecapieracyi Hałoŭnaha ŭpraŭleńnia raźviedki Ministerstva abarony Ukrainy. Piłot i jahonaja siamja znachodziacca va Ukrainie, siamju zahadzia vyvieźli z RF.
«U nas lotčyki lotajuć biez zbroi». Rasijski piłot raspavioŭ, jak pierahaniaŭ va Ukrainu Mi-8 i ŭhavorvaŭ ekipaž zdacca
Śpiecapieracyja «Sinica»: Rasijski piłot raspavioŭ, jak pierahaniaŭ Mi-8 z Rasii va Ukrainu
U siecivie źjavilisia fatahrafii rasijskaha viertalota, jaki pryziamliŭsia na ŭkrainskaj avijabazie
Kiryła Budanaŭ raskazaŭ, jak ukrainskaj raźviedcy ŭdałosia zavabić rasijskaha piłota viertalota Mi-8 razam z technikaj va Ukrainu
Raźviedka vymaniła va Ukrainu rasijski viertalot Mi-8 z kaštoŭnym hruzam
Kamientary