Za «ekstremizm» sudzili rodnaha brata prakurora Viciebska
8 lutaha ŭ Biešankovičach sud aštrafavaŭ na 1000 rubloŭ baćku troch dziaciej, indyvidualnaha pradprymalnika Jaŭhiena Šklareŭskaha. Telehram-kanał «Viciebsk, ja hulaju!» śćviardžaje, što heta rodny brat prakurora Viciebska Andreja Šklareŭskaha.
Nahodaj dla pakarańnia mužčyny stała raźmiaščeńnie im u sacsietcy «UKantakcie» dvuch rolikaŭ — adnaho z resursa «Strana dla žiźni», inšaha z «NAŠ DOM TV».
Vielmi vierahodna, što «pravaparušalnikam» źjaŭlajecca pradstaŭnik biešankovickaj siamji Šklareŭskich, viadomy ŭ rajcentry jak sistemny administratar, prahramist i fatohraf. U jaho jakraz troje dziaciej.
Jaŭhien Šklareŭski, darečy, paznačany i jak fatohraf Viciebskaj jeparchii, a taksama vypusknik Minskaj duchoŭnaj sieminaryi. I tady jon źjaŭlajecca rodnym bratam prakurora Viciebska Andreja Šklareŭskaha. Toj pačynaŭ svoj prakurorski šlach jakraz u Biešankovičach.
Čytajcie taksama:
Siamju ŭ Hrodnie asudzili za płakat, u jakim nibyta źmiaščałasia abraza Łukašenki