Zatrymali supracoŭnika Vierchniadźvinskaha rajvykankama. Vinavaciać va ŭdziele ŭ prahramie «Kadravy rezierv»
Siłaviki zatrymali žychara Vierchniadźvinska Alaksieja Kisialova. Videa ź im apublikavaŭ prapahandyscki kanał. Kisialova vinavaciać va ŭdziele ŭ prahramie padrychtoŭki «kadravaha reziervu novaj Biełarusi».
Na kamieru jaho prymusili skazać, što jon byŭ vučniem prahramy «Kadravy rezierv». Prapahandysty dadajuć, što ŭ mužčyny była «narmalnaja praca» ŭ miascovym rajvykankamie.
14 lutaha Śledčy kamitet paviedamiŭ, što raspačaŭ kryminalnuju spravu suprać udzielnikaŭ inicyjatyvy «Kadravy riezierv dla novaj Biełarusi». Im inkryminavana č. 3 art. 361-1 KK (stvareńnie abo ŭdzieł u ekstremisckim farmavańni).
ANT pakazaŭ 14 čałaviek, zatrymanych pa hetaj spravie. Pradstaŭnik Abjadnanaha pierachodnaha kabinieta Biełarusi Juraś Hubarevič zajaviŭ, što tyja, kaho atrymałasia identyfikavać, nie majuć i nikoli nie mieli dačynieńnia da «Kadravaha reziervu». Niekatoryja ź ich znachodziacca na svabodzie ci ŭvohule raniej pakinuli miežy Biełarusi.
Prahrama «Kadravy rezierv dla novaj Biełarusi» była zapuščana Abjadnanym pierachodnym kabinietam u listapadzie 2022 hoda. Da navučańnia moh dałučycca luby biełarus, jaki mieŭ žadańnie, vopyt i adukacyju dla efiektyŭnaha vykanańnia słužbovych abaviazkaŭ u śfiery dziaržaŭnaha administravańnia paśla źmien u Biełarusi.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2
Kamientary