«Nakiroŭvała zvaroty ŭ Hienprakuraturu i Saŭmin». U Minsku za abrazu Łukašenki asudzili piensijanierku
U sudzie Leninskaha rajona Minska 29 lutaha zaviaršyŭsia razhlad kryminalnaj spravy Hały Anšuk, jakuju abvinavacili ŭ abrazie Alaksandra Łukašenki (č. 1 art. 368 KK). Spravu razhladała sudździa Julija Ščotkina, piša «Viasna».
Dom pravasudździa. Fota: spring96.org
Hała Anšuk, u čas z 5 maja 2022 hoda da 14 lutaha 2023 hoda piać razoŭ nakiroŭvała elektronnyja zvaroty na adras Hienieralnaj prakuratury i ŭ Saviet ministraŭ, u jakich, na dumku abvinavačańnia, dapuskała niehatyŭnuju acenku Łukašenki, vyjaŭlenuju ŭ nieprystojnaj formie i jakaja pa svaim źmieście prynižała jahonyja honar i hodnaść.
U sudzie Hała Anšuk patłumačyła, što «nakiroŭvała nazvanyja zvaroty, bo chacieła prakamientavać vykanańnie Łukašenkam svaich paŭnamoctvaŭ i abaviazkaŭ jak kiraŭnika dziaržavy i nie ličyć, što abrazy nasili publičny charaktar, pakolki ich čytała abmiežavanuju kolkaść supracoŭnikaŭ dziaržaŭnych orhanaŭ».
Paśla zatrymańnia 5 lutaha Hału źmiaścili pad chatni aryšt da suda. Ale pierad hetym žančynu nakiravali ŭ sudova-psichijatryčny ekśpiertny stacyjanar, jaki pastanaviŭ, što pa svaim psichičnym stanie jana maje patrebu ŭ prymusovych mierach biaśpieki i lačeńnia.
Tym nie mieniej, sud pryznačyŭ joj pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu na termin try hady («chatniaja chimija»).
Čytajcie taksama:
Žychara Pinska asudzili za videa vajskovych samalotaŭ
Dabravolskamu, Libieru i Žyvahłod zavočna prysudzili pa 4 hady za zryŭ refierenduma
Byłoha palitviaźnia zatrymali, kali jon pryjšoŭ adznačacca ŭ milicyju