Byłoha palitviaźnia zatrymali, kali jon pryjšoŭ adznačacca ŭ milicyju
U Maładziečnie 17 sakavika padčas čarhovaha prachodžańnia adznaki ŭ miascovym RAUS zatrymali byłoha palitviaźnia Paŭła Piaskova.
Pryčyna — nibyta parušeńnie režymu, paviedamlaje «Viasna».
Heta ŭžo druhoje jaho zatrymańnie ad momantu vyzvaleńnia. Zusim niadaŭna Pavieł adbyvaŭ 5 sutak pavodle padobnaha abvinavačańnia.
Pavieł — pieršy, chto atrymaŭ palityčny prysud za padziei paśla vybaraŭ 2020 hoda. Jaho abvinavacili ŭ supracivie supracoŭniku orhanaŭ unutranych spraŭ, źviazanym z užyvańniem hvałtu (č. 2 art. 363 KK) na akcyi 19 červienia 2020 hoda ŭ Maładziečnie, na jakoj amapaviec dastaŭ pistalet. Paŭłu prysudzili 3 hady i 3 miesiacy kałonii. Paźniej jaho asudzili da jašče adnaho hoda źniavoleńnia za «złosnaje niepadparadkavańnie patrabavańniam administracyi kałonii».
U lutym stała viadoma, što Pavieł całkam adbyŭ termin i vyjšaŭ na volu.
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary