Byłoha žurnalista Andreja Tołčyna asudzili na 2,5 hoda kałonii
Homielski abłasny sud 21 sakavika vynies rašeńnie ŭ kryminalnaj spravie, zaviedzienaj na byłoha žurnalista Andreja Tołčyna. Sudździa Dźmitryj Kazłoŭ pakaraŭ jaho 2 hadami i 6 miesiacami kałonii za «paklop na Łukašenku» i za «sadziejničańnie ekstremisckaj dziejnaści», piša «Radyjo Svaboda».
Tołčynu 64 hady, u jaho šerah chraničnych zachvorvańniaŭ. Da 2020 hoda supracoŭničaŭ ź niezaležnymi ŚMI Biełarusi. Byłoha žurnalista zatrymali 27 vieraśnia 2023 hoda, z taho času jon znachodziŭsia ŭ homielskim SIZA. Jak daviedałasia «Radyjo Svaboda», jahony stan zdaroŭja apošnim časam mocna pahoršyŭsia.
Andrej Tołčyn dahladaŭ chvoruju siastru, jakaja pamierła prykładna za tydzień-dva da jahonaha zatrymańnia. Prakuror prasiŭ dla jaho 3 hady kałonii.
Čytajcie taksama:
Byłoha žurnalista Andreja Tołčyna abvinavačvajuć pa troch kryminalnych artykułach
Homielskamu žurnalistu Andreju Tołčynu staviać u vinu ŭdzieł u ekstremisckim farmavańni
Homielskaha žurnalista Andreja Tołčyna vinavaciać u škodzie intaresam nacyjanalnaj biaśpieki