Hramadstva22

Homielskaha žurnalista Andreja Tołčyna vinavaciać u škodzie intaresam nacyjanalnaj biaśpieki

Žurnalista zatrymali dva tydni tamu i asudzili na troje sutak, ale na volu jon nie vyjšaŭ.

Andrej Tołčyn. Fota: BAŽ

Stała viadomaj imaviernaja pryčyna zatrymańnia ŭ Homieli byłoha žurnalista-fryłansiera, demakratyčnaha aktyvista Andreja Tołčyna. Jaho abvinavačvajuć pavodle art. 361-1 Kryminalnaha kodeksa — «Zakliki da dziejańniaŭ, nakiravanych na naniasieńnie škody nacyjanalnaj biaśpiecy Respubliki Biełaruś», piša BAŽ.

Sankcyi pavodle artykuła — da troch hadoŭ pazbaŭleńnia voli. Kali ž budzie pryznana, što takija dziejańni ŭčynienyja z vykarystańniem ŚMI albo internetu, to pakarańnie moža być ciažejšym — da piaci hadoŭ niavoli.

Siłaviki zatrymali 63-hadovaha Andreja Tołčyna naprykancy vieraśnia i źmiaścili ŭ izalatar časovaha ŭtrymańnia. Na nastupny dzień paśla zatrymańnia ŭ kvatery, dzie Andrej žyŭ z žonkaj, praviali pieratrus. Śledčyja zabrali kampjutarnuju techniku dy inšyja ličbavyja nośbity. Tłumačyli žoncy, što pieratrus ładziŭsia nibyta ŭ miežach spravy za ekstremizm.

Nieŭzabavie paśla pieratrusu Tołčyna pieraviali ŭ SIZA-3 na vulicy Knižnaj. 

Andrej Tołčyn u demakratyčnym asiarodku Homiela staŭ zaŭvažnaj asobaj jašče ŭ 90-ch hadach, kali Biełaruś zdabyvała svaju niezaležnaść. Pracavaŭ tady naładčykam aparatury na radyjozavodzie «Pramień». Udzielničaŭ u niezaležnym prafsajuznym ruchu, jaki vystupaŭ za abaronu pravoŭ rabočych. Na demakratyčnaj asnovie abiraŭsia deputatam Homielskaha haradskoha savieta 21-ha sklikańnia — heta akurat toj saviet, adzin z dvuch u Biełarusi, jaki ŭ žniŭni 1991 hoda adkryta vystupiŭ suprać kamunistyčnaha dziaržaŭnaha pieravarotu ŭ Maskvie i vitaŭ abviaščeńnie niezaležnaści Respubliki Biełaruś.

U harsaviecie Andrej uvachodziŭ u kamisiju pa suviaziach z hramadskaściu i ŚMI, pracavaŭ śpiecyjalistam. Jon byŭ siabram źlikvidavanaj ciapier uładami Abjadnanaj hramadzianskaj partyi, praciahły čas ačolvaŭ haradskuju arhanizacyju hetaj partyi. Apiekavaŭsia dziejnaściu demakratyčnych dabračynnych fondaŭ. Źviedaŭ taksama i biespracoŭje.

Paśla vybaraŭ 2010 hoda Tołčyn u jakaści videaapieratara supracoŭničaŭ ź niezaležnymi miedyjaresursami, za što jaho šmat razoŭ štrafavali i navat adpraŭlali «na sutki» za kraty pavodle administracyjnych pratakołaŭ. U 2020 hodzie Tołčyna zatrymlivali razam z žurnalistkaj Łarysaj Ščyrakovaj za aśviatleńnie pratestaŭ, aficyjna — za ŭdzieł u masavych biesparadkach.

Kamientary2

  • Nacyjanalnaja biaśpieka
    13.10.2023
    A ŭciahvańnie krainy ŭ pucinskuju vajnu heta nie naniasieńnie škody nacyjanalnaj biaśpiecy?
  • What's
    13.10.2023
    Łukašenaŭski KDB, hubazik, pamiežniki, łukašenaŭskaha prakuratura i sudy, A tak sama inšyja čynoŭniki razam z samim łukašenkaju i jahonych synkoŭ - škoda nacyjanalnym intaresam dziaržavy. Usiu škodu možna padličyć ŭ vyniku strad ad sankcyj, ad źniščeńnia handlu z Ukrainaj, ad źniščeńnia kolkaści ekspartu i stanoŭčaha handlaabarotu. Usiu škodu naležyć spahnać asabista z Łukašenki i jahonaj radni, a tak sama z usich karnikaŭ jakija vykonvajuć złačynnyja zahady varjata.

Ciapier čytajuć

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?1

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Usie naviny →
Usie naviny

Rasija razhladaje prapanovu ab «pavietranym pieramirji» z Ukrainaj, ale biez spynieńnia vajny10

Navukoŭcy vyśvietlili, čamu ŭ Cichim akijanie vymierli miljardy marskich zorak4

Biełarus znajšoŭ manietu I stahodździa. Ci možna na joj uzbahacicca?2

Tramp zajaviŭ, što, «napeŭna», nie pojdzie na treci termin2

«Fłahštok» skłaŭ kartu načnych pralotaŭ dronaŭ nad Homielščynaj. Situacyja niezvyčajnaja6

Pamior były prezident Rumynii, jaki adyhraŭ klučavuju rolu pry źviaržeńni Čaŭšesku

Zialenski raskazaŭ, jak vajna paŭpłyvała na jaho zdaroŭje5

Prezidentku Šviejcaryi abvinavačvajuć u naniasieńni krainie miljardnych strataŭ, bo nie ŭmieła razmaŭlać z Trampam7

Viačorka adkazaŭ Kavaleŭskamu, jaki «niečakana raźviarnuŭ svaje pazicyi na 180 hradusaŭ»: Ni ŭ jakim razie samim nie panižać staŭki13

bolš čytanych navin
bolš łajkanych navin

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?1

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Hałoŭnaje
Usie naviny →

Zaŭvaha:

 

 

 

 

Zakryć Paviedamić