Bieśpiłotniki źbili nad Jarasłaŭskaj vobłaściu, atakavany Biełharad
Minabarony Rasii śćviardžaje, što nad Jarasłaŭskaj vobłaściu źbili 3 bieśpiłotniki, nad Biełharodskaj — 10 snaradaŭ RSZA Vampire.
Paškodžany dom u Biełharadzie. Fota: vvgladkov / Telegram
Kala 6 ranicy pa maskoŭskim časie srodki SPA źniščyli try bieśpiłotniki samalotnaha typu nad Jarasłaŭskaj vobłaściu, havorycca ŭ paviedamleńni Minabarony Rasii. Ad ukrainskaj miažy da Jarasłaŭskaj vobłaści — najmienš 600 km.
Adnačasova z hetym rakietnuju niebiaśpieku abviaścili ŭ Biełharadzie i Biełharodskaj vobłaści. Krychu paźniej Minabarony zajaviła, što nad Biełharodskaj vobłaściu źniščanyja 10 reaktyŭnych snaradaŭ ukrainskaj RSZA Vampire.
Pavodle papiaredniaj infarmacyi mera horada Hładkova, adzin čałaviek paciarpieŭ. U horadzie Biełharadzie vybityja vokny ŭ adnoj kvatery šmatkvaternaha doma, paškodžanyja 18 pryvatnych žyłych domaŭładańniaŭ.
Ukraina ataki nie kamientavała.
Čytajcie taksama:
Zialenski raskazaŭ, jak Ukraina prymienić dalnabojnyja rakiety ATACMS
Zialenski: Ukrainskim vojskam udałosia strymać rasijski nastup