Adnak Ukraina nie hatovaja budzie strymać novy bujny rasijski nastup, jaki moža adbycca ŭ kancy viasny ci letam, biez dadatkovaj dapamohi, kaža prezident Ukrainy,
Prezident Ukrainy Uładzimir Zialenski zajaviŭ u intervju CBS News, što niahledziačy na deficyt bojeprypasaŭ i inšaha vajskovaha abstalavańnia, ukrainskim vojskam udałosia strymać rasiejski nastup i stabilizavać situacyju na froncie, paviedamlaje Bi-bi-si.
Adnak, sa słoŭ ukrainskaha lidara, Ukraina nie hatovaja budzie strymać novy bujny rasijski nastup, jaki moža adbycca ŭ kancy viasny ci letam, biez dadatkovaj dapamohi.
Intervju było zapisana na fonie razburanych budynkaŭ u miescy, detali jakoha nie raskryvajucca.
«My stabilizavali situacyju. Jana lepš, čym była dva-try miesiacy tamu, kali ŭ nas byŭ vialiki deficyt artyleryjskich bojeprypasaŭ, roznych vidaŭ uzbrajeńniaŭ», — skazaŭ jon.
Na pytańnie ab tym, ci možna vyjhrać vajnu, pakul va ŭładzie ŭ Rasii znachodzicca Uładzimir Pucin, Zialenski adkazaŭ, što heta vielizarny vyklik, ale z kožnaj adbitaj u praciŭnika vioskaj režym Pucina słabieje, i Kijevu, mahčyma, nie daviadziecca vyzvalać usie akupavanyja terytoryi vyklučna vajskovym šlacham.
«Ja ŭpeŭnieny, što kali Pucin stracić tyja terytoryi, jakija jon kantraluje z 2022 hoda, jon stracić davier navat tych krain, jakija da hetaha času sumniavajucca, padtrymlivać Ukrainu ci nie, — skazaŭ prezident Ukrainy. — Jon taksama stracić uładu ŭ svajoj krainie. Jak tolki heta adbudziecca, jon budzie hatovy da dyjałohu. I tady abaviazkovaj mižnarodnaj umovaj dla miru pavinna stać vyzvaleńnie ŭsich našych terytoryj, terytaryjalnaja cełasnaść Ukrainy».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary