U Bychavie da realnaha terminu prysudzili syna piśmieńnika Siarhieja Antonava

19 krasavika sud Bychaŭskaha rajona abviaściŭ prysud Arciomu Antonavu, synu viadomaha piśmieńnika, aŭtara knih ź sieryi «Mietro 2033» Siarhieja Antonava, piša MAYDAY TEAM. 

 Ilustracyjny zdymak

Sudździa Uładzimir Žołudzieŭ pryznaŭ jaho vinavatym u abrazie Łukašenki i pryznačyŭ pakarańnie ŭ vyhladzie 1 hoda i 6 miesiacaŭ pazbaŭleńnia voli va ŭmovach ahulnaha režymu. Padrabiaznaściaŭ spravy niama. 

Arciom Antonaŭ byŭ zatrymany ŭ siaredzinie śniežnia 2023 hoda ŭ Bychavie. Spačatku mužčynu ŭziali pa administracyjnaj spravie. Zatym doma ŭ syna piśmieńnika prajšoŭ pieratrus, była kanfiskavanaja technika, a samomu Arciomu Antonavu vystavili abvinavačvańnie za «abrazu Alaksandra Łukašenki» (art. 368 KK RB). 

Kryminalnaja sprava Arcioma Antonava supała pa časie ź pieraśledam siłavikami jaho baćki — Siarhieja Antonava, jaki byŭ vymušany pakinuć Biełaruś z-za pahrozy kryminalnaj spravy za supracoŭnictva z sajtami 6TV i Mahiloŭ miedyja.

@nashanivanews Pačali sudzić nastaŭnicu ź Minska #biełaruś #učitielnica #našaniva #biełorusy #bhu #fiłfak ♬ Crime Scene - Avery Alexander

Kamientary da artykuła