Prapahandysty źniali film pra zatrymańni ŭ Mahilovie. Pryjšli i da viadomych asob
Zatrymańni adbylisia adrazu paśla taho, jak KDB pryznaŭ «ekstremisckimi farmavańniami» dva internet-vydańni Mogilev.media i 6TV Biełaruś.
15 śniežnia na kanale «Biełaruś 4 Mahiloŭ» pakazali niekatorych z zatrymanych: byłoha dyrektara Muzieja historyi Mahilova Alaksieja Baciukova, byłych vykładčykaŭ univiersiteta imia Kulašova Ihara Šaruchu i Alaksandra Ahiejeva, a taksama byłoha kiraŭnika mahiloŭskaj supołki Biełaruskaj asacyjacyi žurnalistaŭ Barysa Vyrviča.
Jak vynikaje z prapahandysckaha filma, zatrymańnie Alaksieja Baciukova było žorstkim. U jaho kvateru ŭvarvałasia hrupa amapaŭcaŭ. Alaksieja pakłali na padłohu, a potym pakazali tolki jaho fota.
Sa svaich krynic «Našaj Nivie» viadoma, što Alaksiej Baciukoŭ znachodzicca ŭ izalatary časovaha ŭtrymańnia. U lipieni jaho ŭžo zatrymlivali. Tady paśla troch dzion źniavoleńnia Alaksieja vyzvalili.
Šarucha, Ahiejeŭ, Vyrvič vymušana raskazvajuć na kamieru, što raniej pisali dla Mogilev.media.
Prapahandysty nazyvajuć Mogilev.media i 6TV Biełaruś «jačejkaj ekstremistaŭ», jakija mieli na mecie destabilizavać situacyju ŭ krainie. Pavodle ich, kiravaŭ z-za miažy vydańniami Źmicier Sałaŭjoŭ.
Siłaviki, jak vynikaje ź siužeta, prasłuchoŭvali razmovy Sałaŭjova i Baciukova praz mesendžary: hałasy, padobnyja da ichnich, abmiarkoŭvajuć evakuacyju Alaksieja. Mahčyma, u telefonie adnaho ź ich stajała špijonskaja prahrama.
Prapahandysty kažuć, što ciapier dajecca pravavaja acenka dziejańniam «udzielnikam ekstremisckaha farmavańnia».
Pavodle telehram-kanała mahiloŭskich pravaabaroncaŭ MAYDAY TEAM, vobšuki i zatrymańni byłych aŭtaraŭ Mogilev.media adbylisia 5 i 6 śniežnia. Pravaabaroncy nazyvajuć jašče Piatra Mihurskaha i Siarhieja Antonava. Apošni paśla dvuch dzion źniavoleńnia i praciahłaha dopytu źjechaŭ ź Biełarusi.
U Mahilovie taksama asudzili na 10 sutak byłoha miascovaha błohiera Alaksandra Sabaleŭskaha.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary