Minkult prosić viertykal maksimalna zapoŭnić zały pry pakazie novaha prapahandysckaha šedeŭra

Vydańnie «Fłahštok» atrymała kopiju padpisanaha ministram kultury Anatolem Markievičam lista, u jakim toj prosić Homielski abłvykankam maksimalna zapoŭnić zały hledačami padčas pakazu śviežaj prapahandysckaj stužki ad «Biełaruśfilma» «Čas viarnucca». 

Film pad nazvaj «Čas viarnucca» raskazvaje pra savieckuju nastupalnuju apieracyju na terytoryi Biełarusi ŭ časy Druhoj suśvietnaj vajny.

Z dakumienta, jaki apublikavaŭ «Fłahštok», vynikaje, što pakaz hetaha filma budzie vieścisia jak minimum da 3 lipienia va ŭsich kinateatrach, navučalnych ustanovach i sanatoryjach Homielskaj vobłaści. U inšych abłaściach, treba dumać, situacyja identyčnaja.

Miarkujučy pa fota z premjernaha sieansu ŭ homielskim kinateatry «Mir», čynoŭniki da prośby Anatola Markieviča prysłuchalisia. Prahlad, darečy, nie biaspłatny: za jaho treba zapłacić ad 3 da 8 rubloŭ u zaležnaści ad miesca pakazu.

Kamientary da artykuła