Nočču ŭ subotu nie buduć pracavać kartki mnohich bankaŭ
Bankaŭski pracesinhavy centr papiaredziŭ, što 18 maja budzie pravodzić technałahičnyja raboty na svaim sietkavym abstalavańni.
Raboty zapłanavany nočču — z 00:00 da 6:00, udakładnili ŭ centry.
U vyniku ŭ hety pieryjad času mahčymyja pierapynki ŭ absłuhoŭvańni trymalnikaŭ kartak bankaŭ, jakija karystajucca pasłuhami centra. Prablemy mohuć uźniknuć pry apłacie ŭ kramach i sprobach źniać hrošy ŭ bankamatach.
Subota, 18 maja, u Biełarusi pracoŭnaja, u hety dzień adpracoŭvajuć za paniadziełak 13 maja.