U Minsk pryvieźli najpaŭniejšy va ŭsim śviecie škilet mamanta

Novasibirski krajaznaŭčy muziej pryvioz u Minsk ekspazicyju, jakaja raskazvaje pra paleantałahičnyja znachodki na terytoryi Sibiry. Hetaja vystava razharnułasia ŭ faje Vialikaha teatra Biełarusi ŭ ramkach dzion Novasibirskaj vobłaści ŭ Biełarusi, i ŭ joj źviartaje na siabie ŭvahu admietny ekspanat.

Skrynšot ź videa

Klučavoje miesca ŭ ekspazicyi zajmaje samy poŭny škilet samca šarścistaha mamanta ŭ śviecie pa imieni Samson. Jahonaja daŭžynia — 5,5 mietra, a vyšynia — zvyš troch. Pryblizny ŭzrost — kala 40 tysiač hadoŭ.

Samson byŭ znojdzieny ŭ 2011 hodzie ŭ Čanaŭskim rajonie Novasibirskaj vobłaści.

Mamant zahinuŭ u davoli maładym uzroście, pra što śviedčać, naprykład, jahonyja adnosna karotkija biŭni.

Kamientary da artykuła