U Homieli ratavalnik padčas nyrańnia znajšoŭ kostki staražytnaj žyvioły
Teoryi byli roznyja: mamant, aleń, bizon ci navat nasaroh. Pa dapamohu ŭ vyznačeńni prynaležnaści kostak Asvod źviarnuŭsia ŭ Homielski pałacava-parkavy ansambl. I tam prajaśnili znachodku.
30 kastryčnika pry praviadzieńni trenirovačnych apuskańniaŭ vadałaz Zachodniaj vyratavalnaj stancyi Alaksiej Jaškin vyjaviŭ na dnie raki Sož dva pradmiety, padobnyja da kostak. Jany znachodzilisia na hłybini niekalkich mietraŭ i byli pakrytyja častkova hlejem. Kostki ŭdałosia padniać i dastavić na sušu, paviedamlaje miascovaja supołka Asvoda.
Teoryi byli roznyja: mamant, aleń, bizon ci navat nasaroh. Pa dapamohu ŭ vyznačeńni prynaležnaści kostak Asvod źviarnuŭsia ŭ Homielski pałacava-parkavy ansambl.
«Znojdzienyja pareštki naležać bizonu, jaki moh tut žyć 10-20 tysiač hadoŭ tamu. Adna ź ich — łokcievaja kostka razam z pramianiovaj, a druhaja — častka hrudnoha pazvanka», — raspavioŭ zahadčyk adździeła archieałohii i achovy historyka-kulturnaj spadčyny Juryj Pankoŭ.
Taksama, sa słoŭ śpiecyjalista, na ŭskrainach Homiela znachodzili kostki lasnoha słana, mamantaŭ, nasarohaŭ, paŭnočnych aleniaŭ i navat piačornaha lva. Bolš za ŭsio znachodak było ŭ 2000-ja hady — padčas budaŭnictva novaha mikrarajona Šviedskaja horka.
Čaściej za ŭsio astanki ŭ vyhladzie kostak i navat cełych čerapaŭ znachodzili ŭ rečyščach i namytym piasku z vadajomaŭ, tak jak heta — adno z najlepšych asiarodździaŭ, u jakoj dobra zachoŭvajucca kostki.
Znachodki byli pieradadzienyja ŭ muziej.
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie32
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary