Stała viadoma, jakuju zbroju ZŠA dazvolać vykarystoŭvać na terytoryi Rasii
30 maja Vašynhton upieršyniu zajaviŭ, što dazvolić Ukrainie abmiežavanaje vykarystańnie amierykanskich uzbrajeńniaŭ na terytoryi Rasii. The Wall Street Journal daviedaŭsia, jakija mienavita mahčymaści źjaviacca ŭ Kijeva.
Vučeńni sistem HIMARS u Litvie. Zdymak ilustracyjny. Fota: Ministerstva abarony Litvy
Pavodle infarmacyi vydańnia, USU zmohuć vykarystoŭvać RSZA HIMARS, rakietnyja sistemy GMLRS i artyleryju dla ŭdaraŭ pa kamandnych punktach, składach zbroi i inšych celach na terytoryi Rasii, jakija vykarystoŭvajucca dla ataki Charkava.
Rakiety vialikaj dalokaści ATACMS vykarystoŭvać na terytoryi Rasii budzie zabaroniena.
Ź lutaha 2022 hoda ZŠA nie dazvalali vykarystoŭvać lubuju pastaŭlenuju zbroju dla ŭdaraŭ pa celach unutry Rasii. Ukrainie było dazvolena nanosić udary tolki pa celach u anieksavanym Rasijaj u 2014 hodzie Krymie, pakolki jon znachodzicca ŭ mižnarodna pryznanych miežach Ukrainy.
Novyja hieahrafičnyja ramki, ustanoŭlenyja administracyjaj Bajdena, adlustroŭvajuć adnačasovaje imknieńnie Vašynhtona ŭzmacnić abaranazdolnaść Ukrainy i źnizić ryzyku pierarastańnia kanfliktu ŭ niepasrednaje sutyknieńnie pamiž Vašynhtonam i Maskvoj, piša WSJ.
Čytajcie taksama:
Bajden tajemna dazvoliŭ Ukrainie bić amierykanskaj zbrojaj pa terytoryi Rasii
Hiermanija dazvoliła Ukrainie nanosić udary pa terytoryi Rasii niamieckaj zbrojaj. Ale jość niuans
Habryelus Łandśbierhis: Ukraina maje prava bić pa rasijskich vajennych celach u Biełarusi