U Biełaviežskaj puščy znajšli redkuju archideju

Navukoŭcy Nacyjanalnaha parka «Biełaviežskaja pušča» znajšli ŭ im raślinu, zaniesienuju ŭ Čyrvonuju knihu Biełarusi, paviedamlaje aficyjny sajt nacyjanalnaha parka. 

Padčas praviadzieńnia palavych bataničnych daśledavańniaŭ u pojmie raki Biełaja i raki Pravaja Lasnaja, pamiž vioskami Biełaja i Čarnaki, navukovyja rabotniki zaŭvažyli novyja miescy, dzie raście redkaja čyrvonaknižnaja archideja — Palčatakareńnik majski. Papulacyi hetaha vidu zusim nievialikija i naličvajuć kala 25-30 raślin, jakija ćvituć na pojmiennych łuhach. 

Palčatakareńnik majski źjaŭlajecca pradstaŭnikom siamiejstva Archidnych. Jon zaniesieny ŭ Čyrvonuju knihu Respubliki Biełaruś i adnosicca da III katehoryi nacyjanalnaha pryrodaachoŭnaha značeńnia. Na mižnarodnym uzroŭni hetaja archideja achoŭvajecca Kanviencyjaj SITES. 

U našaj krainie nazvanaj raśliny zusim nie mnoha, i ŭ Biełaviežskaj puščy jana sustrakajecca vielmi redka. Tamu niadaŭniaja znachodka maje važnaje značeńnie. 

Kamientary da artykuła