Hetaha majskaha žuka lepš nie čapać. Čym jon niebiaśpiečny i dzie vodzicca ŭ Biełarusi?
Narodnuju nazvu «majski» niekatoryja vidy žukoŭ atrymali tamu, što bolš za ŭsio ich možna ŭbačyć u mai, u pieryjad razmnažeńnia. Akramia biaśpiečnych vidaŭ takich nasiakomych, jość adzin, jaki ŭ ruki lepš nie brać. I voś čamu, piša Telegraf.news.
Heta vielmi cikavy i śpiecyfičny pa vonkavym vyhladzie i ładzie žyćcia žuk pad nazvaj majka. Čaściej za ŭsio jaho možna sustreć na adkrytych aśvietlenych miescach, palanach i ŭ sasnovym lesie.
Darosłyja žuki vielmi toŭstyja i niepavarotlivyja, mohuć dasiahać 4 santymietraŭ u daŭžyniu. Jašče adna asablivaść — adsutnaść kryłaŭ i, adpaviedna, zdolnaści da palotu.
Darosłyja asobiny pavolna poŭzajuć pa ziamli i adkładajuć jajki. Zdavałasia b — lohkaja zdabyča dla drapiežnikaŭ. Adnak majki sami jašče jak atrutnyja.
Kali ŭziać žuka ŭ ruki, možna nazirać vielmi cikavuju achoŭnuju reakcyju: pry niebiaśpiecy jon pačynaje vydzialać atrutnuju aranžavuju vadkaść — atrutu kantarydyn.
Mała chto viedaje, što jaje śmiarotnaja doza składaje kala 0,02 hrama dla čałavieka, a dla hetaha spatrebiacca adrazu niekalki nasiakomych. Adnak atruta moža vyklikać razdražnieńnie skury ci vačej, tamu treba być vielmi aściarožnym.
U mai samki hetych žukoŭ adkładajuć jajki ŭ ziamlu. Paźniej ličynki vybirajucca na pavierchniu i na kvietkach čakajuć dzikich pčoł. Učapiŭšysia za ich, jany traplajuć u hniozdy, dzie raźvivajucca, siłkujučysia jajkami i zapasami kormu — naprykład, pyłkom i miodam.
Ciapier majki zvyčajnyja apynulisia pad pahrozaj z-za rezkaha skaračeńnia papulacyj dzikich pčoł, tamu majuć patrebu ŭ achovie, jak i sami pčoły.
Hetych žukoŭ možna sustreć u Paŭnočnaj Afrycy, Centralnaj Azii, krainach Jeŭropy, u tym liku i ŭ Biełarusi. U Biełaviežskaj puščy, naprykład, žyvie taki vid, jak majka fijaletavaja.
Ciapier čytajuć
Viarnuŭsia ź Litvy — i byŭ aryštavany za danaty. Hety bijołah raniej daśledavaŭ lejkozy — jaho fiłasofija natchniaje5
Kamientary
nu očievidno žie, čto eto tipičnyj 100%-j parazit.
pri naličii jada vriadli im kto-to pitajetsia.