Aryna Sabalenka pierastanie być druhoj rakietkaj śvietu pa vynikach «Rałan Haros»
Na hetaj pazicyi biełaruska była z kanca studzienia minułaha hoda, ale ŭsio pierakreśliła ŭčorašniaja paraza ŭ čverćfinale.
Aryna Sabalenka. Fota: Christophe Ena / AP
Aryna Sabalenka stracić druhuju pazicyju ŭ rejtynhu WTA (Suśvietnaja žanočaja asacyjacyja) pa vynikach «Rałan Haros». Druhoj rakietkaj śvietu stanie amierykanka Kako Haŭf.
Učora Sabalenka siensacyjna prajhrała ŭ čverćfinale 17-hadovaj rasijancy Miry Andrejevaj. Sustreča doŭžyłasia 2 hadziny 29 chvilin i zaviaršyłasia ź likam 6:7 (5:7), 6:4, 6:4 na karyść Andrejevaj.
Takim čynam Aryna nie zmahła abaranić 350 bałaŭ za letašni paŭfinał «Rałan Haros» i jana ich zhubić. Haŭf dajšła minimum da paŭfinału.
Sabalenka stała druhoj rakietkaj śvietu ŭ kancy studzienia 2023 hoda paśla pieramohi na Australian Open. Paśla finału Adkrytaha čempijanatu ZŠA pa tenisie (US Open) u vieraśni 2023 hoda jana na dva miesiacy stała pieršaj rakietkaj śvietu.