U Minsku 18-hadovy chłopiec raspyliŭ ślezaciečny haz u maršrutcy
Jon patłumačyŭ heta kiepskim nastrojem.
U Minsku małady čałaviek z-za drennaha nastroju raspyliŭ u maršrutcy ślezaciečny haz, paviedamlaje haradskaja milicyja.
Sprava była tak: chłopiec zajšoŭ u maršrutku i vypadkova šturchnuŭ dziaŭčynu, a taksama raźliŭ na jaje kavu. Jon vyrašyŭ nie vybačacca, adnak jamu zrabiŭ zaŭvahu inšy pasažyr.
Pamiž mužčynam i chłopcam adbyŭsia słoŭny kanflikt. U vyniku chłopiec ničoha lepšaha nie prydumaŭ, jak raspylić haz z bałončyka.
Śledčym małady čałaviek patłumačyŭ svoj nieadekvatny ŭčynak drennym nastrojem.
Adznačajecca, što chłopiec u zroblenym raskajaŭsia, ciapier jaho dziejańniam budzie dadzienaja pravavaja acenka.