U centry Vilni źjaviŭsia nadpis «Vilnia naša» pa-biełarusku. Ale da maniery napisańnia jość vialikija pytańni
«Š» i «ł» napisanyja tak, jak pišuć ich ludzi, jakija karystajucca łacinicaj i nie viedajuć kirylicy.
U hetym domie ŭ 1909—1911 hadach mieściłasia redakcyja «Našaj Nivy».
U sieradu ranicaj žychar litoŭskaj stalicy vyjaviŭ na ścianie adnaho z damoŭ na vuł. Pilima (Zavalnaj) nadpis na biełaruskaj movie «Vilnia naša». Municypalitet nieadkładna adreahavaŭ na paviedamleńnie, pišuć litoŭskija ŚMI.
«Siońnia ranicaj ja zaŭvažyŭ, što fasad doma numar 5 na vulicy Pilima (u domie ŭ 1910 žyŭ adzin z zasnavalnikaŭ ideałohii lićvinizmu Vacłaŭ Łastoŭski)» upryhožany pravakatarskim nadpisam Vilnia naša i znakam, jaki simvalizuje biełaruski histaryčny ściah», — cytujuć čytača litoŭskija ŚMI.
U palicyju pra incydent nie paviedamlali, tamu rasśledavańnia nie budzie. Nadpis chutka zmyli.
U hetym budynku na rahu Pilima i Kalinoŭskaha ŭ 1909—1911 hadach była redakcyja staroj «Našaj Nivy», tut žyŭ Vacłaŭ Łastoŭski, mienavita tut spyniaŭsia Maksim Bahdanovič padčas svajoj vandroŭki z Rasii ŭ Vilniu i Rakucioŭščynu.
Fota: Delfi.lt
Adnak maniera napisańnia vyklikaje pytańni. Takoje ŭražańnie, što rabiŭ nadpis nie zvykły da kirylicy biełarus.
Vielmi dziŭna napisana litara «ja» ŭ słovie «Vilnia». Jana, chutčej, padobnaja da «D». Dziŭnaje taksama napisańnie «š», jakaja vyhladaje jak łacinskaje w. Mahčyma, tamu, što takich litar (ja i š) u łacincy niama?
Vyjava ściaha taksama vyklikaje pytańni. Biełarus, jaki nabiŭ ruku ŭ malavańni pratesnych ściahoŭ u 2020—2024 hadach, nie namaluje tak tonka siaredniuju pałasu.
Chutčej za ŭsio, nadpis zrobleny na zamovu biełarusafobaŭ.