«Pajechaŭ u Biełaruś». Z-śpiavak Šaman trapiŭ u bazu asob, jakija źjechali z Rasii z-za mabilizacyi

U siecivie źjaviłasia baza tych, chto źjechaŭ z Rasii praz vajnu, mabilizacyju i miaciež Pryhožyna. U masivie danych apynuŭsia i aktyŭny prychilnik vajny va Ukrainie śpiavak Jarasłaŭ Dronaŭ, viadomy pad psieŭdanimam Šaman. Miarkujučy sa źviestak bazy, Šaman źjechaŭ z Rasii ŭ Biełaruś 15 kastryčnika 2022 hoda praz abviaščeńnie mabilizacyi, piša Baza.

Fota: Contributor Getty Images

Pradstaŭnik śpievaka Anton Karabkoŭ-Ziamlanski zajaviŭ, što Šaman trapiŭ u bazu pamyłkova. Pavodle jaho słoŭ, 15 kastryčnika śpiavak nasamreč vylecieŭ u Biełaruś, ale nie ratujučysia ad mabilizacyi, a na kancert.

Šaman vystupiŭ z kancertami ŭ Minsku i Hrodnie 15 i 16 kastryčnika 2022 hoda. A 18 kastryčnika jon užo vystupaŭ u Tulskaj vobłaści.

Baza «Tyja, chto pakinuŭ RF 2022-2024» była sfarmiravana sa śpisaŭ avijakampanij i ŭklučaje asob, jakija vyjechali z krainy bolš čym na dva miesiacy. Taksama ŭličvałasia infarmacyja i pra tych, chto pakinuŭ Rasiju inšym vidam transpartu abo pieššu.

Rasijskija ŚMI znajšli ŭ bazie pamyłki. Časta jany tyčylisia pryčyn vyjezdu z krainy. Akramia taho, u bazie znajšli danyja ludziej, jakija pakinuli Rasiju zadoŭha da pačatku poŭnamaštabnaj vajny.

Kamientary da artykuła