MUS praviaraje Šamana na ŁHBT-prapahandu i abrazu pačućciaŭ viernikaŭ
Zajavu z prośbaj pravieryć Šamana i pakarać «pa ŭsioj strohaści zakona» padaŭ rasijski aktyvist Jan Karabkoŭ. Na jaho dumku, klip «Ja ruski» prapahanduje ŁHBT, tamu što ŭ im Šaman vystupaje z padviedzienymi vačyma. A sam pry hetym śpiavaje «Ja ruski!» i takim čynam «stvaraje vobraz ruskaha čałavieka jak homasieksuała, jaki hańbić šmatmiljonnuju nacyjanalnaść samaj vialikaj krainy ŭ śviecie, na jakuju tlatvorna ŭpłyvaje zachodniaja kultura, dzie dazvolenyja adnapołyja šluby i seksualnyja akty».
Taksama, na dumku aŭtara skarhi, u klipie jość epizody, dzie mužčyny nosiać Šamana na rukach i, takim čynam, mahli macać jaho pałavyja orhany.
Taksama aŭtar skarhi ŭhledzieŭ prykmiety abrazy pačućciaŭ viernikaŭ u klipie, tamu što ŭ im jość aŭdyjadarožka z carkoŭnym zvonam, a ŭ adrasnym radku (standartnaja spasyłka, dzie raźmieščany klip na YouTube) zjaŭlajecca abrevijatura FAP, jakaja ŭ anhlijskaj movie na słenhu aznačaje masturbacyju. Takim čynam, pavodle aŭtara,
«akazvajecca ŭpłyŭ na padśviadomaść hledačoŭ-mužčyn, jakija padachvočvajucca zadavalniać svaje seksualnyja patreby z dapamohaj štučnaha razdražnieńnia pałavych orhanaŭ padčas prahladu videamateryjału».
Na momant napisańnia zajavy klip pahladzieli bolš za 48 miljonaŭ razoŭ — tamu nieviadoma, kolki mužčyn mahli pahladzieć jaho i paddacca ŁHBT-prapahandzie, «stać hiejami i naškodzić hienafondu Rasiejskaj Fiederacyi, admoviŭšysia razmnažacca z žančynami».
Karabkoŭ prosić pakarać śpievaka «pa ŭsioj strohaści zakona».
Pry hetym u časie razmovy z kanałam «Ostorožno, novosti» Karabkoŭ adznačyŭ, što zajava zjaŭlajecca postiraničnaj i była napisana ŭ śviatle ŭzmacnieńnia žorstkaści zakonaŭ.
Ale pa zakonie MUS usio roŭna abaviazana pravieści pravierku pa hetaj zajavie.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli42
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary
Šamana na rukach i, śledovatielno, mohli trohať jeho połovyje orhany.