U pasiołku ŭ Homielskaj vobłaści ŭzrovień radyjacyi pieravyšaje normu ŭ 2,5 raza

Z avaryi na ČAES prajšło ŭžo 38 hadoŭ, adnak radyjacyjny fon u Brahinie ŭsio jašče značna vyšejšy za normu.

Radyjacyjny fon u haradskim pasiołku Brahin pieravyšaje normu amal u 2,5 razu.

Pra heta raskazała načalnica adździeła radyjacyjnaha manitorynhu Biełhidramieta Zoja Trafimčyk na pres-kanfierencyi, piša Reform.news.

«Fiksujecca zabrudžvańnie ŭ miežach ad 0,5 da 0,56 mkZv/h, pry ŭstanoŭlenaj miažy dla Biełarusi 0,2 mkZv/h», — adznačyła Trafimčyk.

Jana ŭdakładniła, što situacyja, kali ŭzrovień radyjacyi źnižajecca vielmi pavolna, nie źjaŭlajecca paŭsiudnaj. Tak, u Słaŭharadzie za piać apošnich hadoŭ uzrovień radyjacyi źniziŭsia na 10% — z 0,2 mkZv/h da 0,18 mkZv/h.

Brahinski rajon — adzin z najbolš paciarpiełych ad katastrofy na ČAES rajonaŭ Homielskaj vobłaści.

Kamientary da artykuła