U vilenskim Biełaruskim domie zładzili čarnobylskuju vystavu z malunkam Maryny Zołatavaj
U Biełaruskim domie ŭ Vilni prachodzić vystava, pryśviečanaja hadavinie Čarnobylskaj katastrofy. Na joj vystaŭlenyja malunki, zroblenyja ŭ kancy 1980-ch dziećmi, jakija paciarpieli ad Čarnobyla. Siarod ich — malunak tady 11-hadovaj Maryny Zołatavaj, byłoj hałoŭnaj redaktarki Tut.by, a ciapier palitźniavolenaj.
Malunki, pradstaŭlenyja na ciapierašniaj vystavie, rychtavalisia da inšaj vystavy, jakuju ŭ 1990 hodzie zładzili ŭ Hiermanii aktyvisty, što dapamahali dzieciam Čarnobyla. Hetyja ludzi rabili svaju pracu da 2021 hoda, kali tradycyjnyja pajezdki dziaciej u Hiermaniju musili spynicca pa palityčnych abstavinach.
Akramia dziciačych malunkaŭ, na vystavie pradstaŭlenyja taksama zdymki lehiendarnaha biełaruskaha fatohrafa Uładzimira Sapahova (1952-2012), na jakich zafiksavanyja Čarnobylskija šlachi 1990-ch hadoŭ.
«Ni ŭ pracach, ni ŭ zdymkach niama nijakaha aptymistyčnaha aśpiektu. Niama nadziei, niama viery. Jość kryŭda, bol, złość, patrabavańnie spraviadlivaści. Nam siońnia hetyja pačućci vielmi znajomyja — takija znajomyja, što my navučylisia ich bolš nie adčuvać. Mianie hetaja vystava vučyć złavacca z usioj siły, bieśpierapynna, sa źviarynym adčajem. Kali čałaviek pierapoŭnieny takoj złościu, jon nie maje inšaha vyjścia jak dziejničać», — piša ŭ anatacyi da vystavy jaje kuratarka Paŭlina Vituščanka.
Vystava pracuje ŭ Vilni pa adrasie vuł. Vilenskaja, 20 (Vilniaus g. 20).
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała20
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary