U Šumilinskim rajonie padčas raskopak znajšli pajasnuju nakładku časoŭ vikinhaŭ

Ekśpiedycyja Instytuta historyi Nacyjanalnaj akademii navuk pracavała ŭ ahraharadku Kardon Šumilinskaha rajona, dzie i była vyjaŭlenaja znachodka, paviedamiŭ kiraŭnik ekśpiedycyi, kandydat histaryčnych navuk Marat Klimaŭ, piša sb.by.

Fota: Marata Klimava

Pa słovach archieołaha, u vyniku raskopak vyjavili ślady niekalkich pabudoŭ i piečaŭ, a pobač z adnym z byłych budynkaŭ znajšli ŭnikalnuju pajasnuju nakładku, jakaja naležyć kołu skandynaŭskich staražytnaściaŭ i vykananaja ŭ źviarynym styli:

Fota Marata Klimava

— Sapraŭdy takich ža nakładak biełaruskija archieołahi nie znachodzili, ale pa styli vykanańnia jana blizkaja da toj, jakuju my vyjavili padčas raskopak u Vierchnim zamku Połacka ŭ 2022 hodzie.

Haradzišča Kardon — adno z najbujniejšych pasieliščaŭ epochi vikinhaŭ u Biełarusi. Jaho roskvit źviazany z aktyŭnym vykarystańniem u IX — pačatku XI st. «šlachu z varahaŭ u hreki». Hety archieałahičny kompleks navukoŭcy vyvučali raniej. Ciapierašniaja ekśpiedycyja adnaviła daśledavańni, zavieršanyja ŭ 2018 hodzie. Metaj daśledavańniaŭ byŭ pošuk žyłych damoŭ, vytvorčych kompleksaŭ i paćvierdžańniaŭ taho, što pobač z pasieliščam znachodziłasia «buchta drakaraŭ» vikinhaŭ, ale pramych dokazaŭ nie vyjavili, adznačyŭ Marat Klimaŭ.

Kamientary da artykuła