«Ho abmien!» Na źmienu bonścikam pryjšło novaje šalenstva kalekcyjanavańnia

Kłasičnyja bonściki, jakija źjavilisia ŭ «Jeŭraopcie» ŭ 2017 hodzie, praisnavali šeść siezonaŭ. Ciapier na źmienu cackam-lipučkam pryjšli maniety, ci «čaroŭnyja skarby bonścikaŭ», i ich taksama aktyŭna kinulisia źbirać.

Pa novaj lehiendzie markietołahaŭ, pakupnikam prapanujecca sabrać kalekcyju kaśmičnych maniet — heta skarb samich bonścikaŭ, na jaki i prapanujuć palavać usim achvotnym.

Usie maniety ŭ kalekcyi roznyja, kožnaja maja svaju vahu i lehiendu. Tak, samaja hałoŭnaja manieta Bon daje mahčymaść vyjhrać supierpryz. Nazvy inšych maniet adsyłajuć da nazvaŭ zorak: Navi, Kanopus, Našyra.

Fota: Skrynšot z sajta evroopt.by

Mikita Bialko i Anastasija Kraŭčanka z manietami, jakija ciapier aktyŭna źbirajuć pakupniki. Skrynšot z sajta evroopt.by

Pijaryć novuju hulniu paklikali maładych śpievakoŭ — Mikitu Bielko i Nastaśsiu Kraŭčanka, jakija zapisali dla hetaha admysłovy trek. Aboje artysty — vypuskniki biełaruskaha «Ch-Faktar» i zaŭsiodniki praŭładnych kancertaŭ.

@lesya_.aaa Mnie nie chvatajet odnoho bonstika#elbruso #foryoupage #on #fypシ #recommendations #bonstiki #sokroviŝabonstikovčiek ♬ orihinalnyj zvuk - Sieť mahazinov «Jevroopt»

Pad trek Bialko i Kraŭčanka zdymajuć raspakoŭki skarbaŭ bonścikaŭ.

Paralelna z tym, jak adna častka pakupnikoŭ sumuje biez «tradycyjnych bonścikaŭ» i prosić viarnuć ich, inšaja na ŭsiu moc skupaje maniety, a taksama albomy i hamancy dla zručnaści ich kalekcyjanavańnia.

«Ho abmien», «Daj mnie Bona», «Padary paŭtorki!», «A mnie baćki nie nabyvajuć» — heta tolki častka azartnych kamientaroŭ — najpierš ad dziaciej i padletkaŭ — u sacyjalnych sietkach.

Kamientary da artykuła