Biełaruska znajšła ček z kramy za 2022 hod. Roźnica ŭ cenach uraziła
Dziaŭčynu šakavała toje, za kolki siońnia «Jeŭraopt» prapanuje tyja ž samyja tavary.
Pra heta jana raspaviała va ŭłasnym tyktoku. U 2022 hodzie Nina skarystałasia «Je-dastaŭkaj», kab zakazać zvyčajnyja pradukty. U profili zachavaŭsia toj śpis sa starymi cenami. Interfiejs sajta dazvalaje znoŭ dadać u košyk tyja ž pradukty, pakazvajučy, za kolki ich možna kupić ciapier. Akazałasia — našmat daražej.
Cukar «Haradziejski cukar», 1 kh — byŭ 1,72 rubla, a staŭ 2,69 rubla (+56.4%);
Aerazolny antypierśpirant «Rexona», 150 mł — byŭ 4,89 rubla, staŭ 8,63 rubla (+76.48%);
Zamarožanyja parezanyja šampińjony «Gusto», 400 h — byli 2,56 rubla, stali 5,15 rubla (+101.17%);
Zamarožanaje file kurania-brojlera Chalal, 1 kh — było 11,16 rubla, stała 13,60 rubla (+21.86%);
Farš «Kuryny naturalny», 1 kh — byŭ 9,49 rubla, staŭ 13,55 rubla (+42.78%);
Zhuščanaje małako z cukram i kavaj «Rahačoŭ», 380 h — było 3,32 rubla, stała 4,60 rubla (+38.55%);
Syr paŭćviordy «Brest-Litoŭsk», 45%, 150 h — byŭ 2,74 rubla, staŭ 4,09 rubla (+49.27%);
Masła «Brest-Litoŭsk», 82,5%, 180 h — było 3,53 rubla, stała 5,04 rubla (+42.78%);
Chleb dla sendvičaŭ, 300 h — byŭ 1,51 rubla, staŭ 1,74 rubla (+15.23%);
Alej «Słabada», 1 ł — byŭ 4,68 rubla, staŭ 5,54 rubla (+18.38%);
Vatnyja dyski «Clean life», 120 št. — byli 1,89 rubla, stali 3,29 rubla (+74.07%).
«Ja ledź nie zapłakała, kali pabačyła staryja ceny», — padzialiłasia dziaŭčyna.
U kamientarach biełarusy pačali dzialicca svaim bolem ad taho, što hrošy abiasceńvajucca, a zarobki nie paśpiavajuć za inflacyjaj. Aburała i toje, što faktyčnaja inflacyja nie adpaviadaje aficyjnaj:
pa padlikach Biełstata, za apošnija 24 miesiacy inflacyja ŭ Biełarusi składaje 8,9%.
Ale znajšlisia i tyja, u kaho zarobak vyras z 800 da 1500 rubloŭ za dva hady, a značyć, i rost cenaŭ jany ličać łahičnym.
«Paśmiajalisia ŭsim Minskam», — pišuć takim u adkaz i źbirajuć šmat łajkaŭ.
«Naša Niva» — bastyjon biełaruščyny
PADTRYMAĆ-
«Adzin raz za sto hadoŭ prajechaŭ na transparcie». Žycharu Mahilova ŭ aŭtobusie dali zdaču rasijskimi manietami
-
Vučniaŭ, jakija z matam parvali ekzamienacyjnyja bilety pa historyi Biełarusi, zastavili vybačacca kala manumienta Pieramohi
-
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič5
Kamientary