Ejsmant znoŭ robić dyktaturu brendam. Pra jaje napisali cełuju baładu

Na zboryščy prychilnikaŭ Łukašenki ŭ «Minsk-Arenie» da «Dnia narodnaha adzinstva» jamu zrabili «tvorčy siurpryz» — kampazicyju pad nazvaj «Bałada pra dyktatara».

Tvor pradstaviła na scenie pres-sakratarka Łukašenki Natalla Ejsmant. Jana raskazała, što jon nibyta «byŭ narodžany zusim spantanna, vypadkova i navat nasupierak», a Łukašenka pra jaho ničoha nie viedaŭ.

@nashaniva Na dyktaturach ŭsio stabilna (s) #łukašienko #kolałukašienko #minsk #17sientiabria #biełorusy #biełaruśnovosti ♬ orihinalnyj zvuk - Naša Niva. Naviny

Na samaj spravie hety nibyta novy kreatyŭ vyhladaje pierapievam užo padzabytaha vykazvańnia toj ža Ejsmant bolš čym piacihadovaj daŭniny. 

Tady pres-sakratarka Łukašenki, vystupajučy ŭ prahramie «Markaŭ. Ničoha asabistaha», zajaviła nastupnaje:

«Dyktatura — vielmi cikavaje słova na siońnia. Jano tak pa-roznamu ŭsprymajecca… Heta niejkaja niezvyčajnaja tendencyja, pra jakuju ja dosyć časta dumaju. Bo my heta słova sapraŭdy ŭžyvajem u całkam roznych sensach. Časam z takim satyryčnym adcieńniem. A inšy raz mnie zdajecca, što siońnia, u 2019 hodzie, słova dyktatura ŭžo časam nabyvaje niejkaje pazityŭnaje adcieńnie. […]

My bačym, što adbyvajecca vakoł, — chaos, časam biesparadak. Časam mnie zdajecca, što nie siońnia dyk zaŭtra, ale paślazaŭtra dakładna ŭ śviecie moža ŭźniknuć zapyt na dyktaturu.

Tamu što za dyktaturaj u našym siońniašnim razumieńni ŭ pieršuju čarhu my bačym, na moj pohlad, paradak, dyscyplinu i absalutna narmalnaje i spakojnaje žyćcio. Nu što kazać. Mnie zdajecca, što my ŭžo tak časta vymaŭlajem heta słova, što dyktatura — heta ŭžo naš brend».

Vyhladaje, što hety stary «brend» ciapier vyrašyli ažyvić i nadać jamu novaje dychańnie. Tym bolš što jaho vynachodnica pa-raniejšamu zastajecca na starym miescy.

Kamientary da artykuła