Łukašenka: Napad na Biełaruś — heta Treciaja suśvietnaja vajna, ja nie blefuju
Łukašenka siońnia sabraŭ svaich prychilnikaŭ na pryśviečany dniu 17 vieraśnia «patryjatyčny forum» u «Minsk-Arenu». Vystupajučy pierad imi, jon raskazvaje pra vajennuju moc Biełarusi i jaje nibyta klučavoje značeńnie.
«Chaču papiaredzić našych praciŭnikaŭ, našych supiernikaŭ. I tych, chto nie razumieje jašče. Nie treba heta rabić. Napad na Biełaruś — heta Treciaja suśvietnaja vajna», — zajaviŭ Łukašenka.
A kab chto raptam nie padumaŭ, što heta prosta słovy, jon jašče padmacavaŭ svaju hroznuju rytoryku:
«Ja ŭžo kazaŭ: biełaruskuju miralubnaść nie varta razumieć i prymać za słabaść. Kali ja kažu pra heta, vy nie padumajcie, što ja blefuju abo zhuščaju farby. Nie. Jak nikoli raniej nam jość čym adkazać».
Pry hetym u hałoŭnaha sajuźnika Łukašenki, pucinskaj Rasii, pakul što nie znajšłosia niečym asablivym adkazać na ataku ŭkrainskimi vojskami svajoj ułasnaj terytoryi ŭ Kurskaj vobłaści. I Treciaja suśvietnaja vajna paśla hetaha nie pačałasia.
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»23
Kamientary