Jak chutka zasalić hryby (kab uzimku jany byli jak śviežyja)

Vam spatrebicca tolki sol i niekalki śpiecyj pa žadańni: časnok, duchmiany pierac, čysty słoik i čas. Pasprabujcie — recept vielmi prosty.

Fota: forkintheroad.co

Treba źviarnuć uvahu na toje, što nie ŭsie hryby možna zasolvać — naprykład, heta nie rekamiendujecca rabić ź lisičkami. Adnak zasołka dobra pracuje dla ryžykaŭ, apieniek, vaŭnianak i hruzdoŭ. Taksama možna zasolvać maślaki i babki.

Asnoŭnyja inhredyjenty:

• 1 kh hryboŭ
• 50 h soli na kožny kiłahram
• słoik ci kieramičny harščok (papiarednie vymyty abo praparany)
• časnok, duchmiany pierac, razmaryn — pa žadańni

Jak zasolvać:

1. Pačyścicie hryby, advarycie kala 5 chvilin i źlicie vadu (ryžyki možna nie varyć).
2. Kapialušyki možna vykarystoŭvać cełymi, ale bujnyja narežcie łustačkami.
3. Nasypcie płast soli na dno posudu. Układzicie hryby ŭ słoik abo harščok płastami, kapialušykami ŭniz. Kožny płast hryboŭ pasypajcie sollu (možna dadać śpiecyi — duchmiany pierac, razmaryn, časnok). Apošnim płastom pavinna być sol. Źlohku prymnicie hryby.
4. Nakryjcie posud z hrybami čystaj ašparanaj talerkaj i pryciśnicie ćviordym pradmietam.
5. Za niekatory čas sol rastvorycca i razam z sokam utvoryć rasoł, jaki pakryje hryby (kali vadkaści budzie niedastatkova, dadajcie rasołu — hryby pavinny być pakrytyja sokam i sollu całkam).
6. Zachoŭvajcie hryby ŭ rasole ŭ prachałodnym miescy (prykładna 5 hradusaŭ).
7. Pierad užyvańniem staranna pramyjcie hryby i zamačycie ich u vadzie ci małace (heta vydalić lišniuju sol).

Kamientary da artykuła